Troje dziaciej i ich maci paśla sutyknieńnia mikraaŭtobusa z hrejdaram pad Brestam źmieščanyja ŭ reanimacyju, paviedamili ŭ pres-słužbie Ministerstva achovy zdaroŭja.
Miedyki ŭdakładnili, što ŭsiaho ŭ vyniku avaryi, jakaja adbyłasia kala vioski Bratyłava za try kiłamietry ad Bresta, paciarpieli vosiem čałaviek, šaściora ź ich — dzieci.
Usie paciarpiełyja byli dastaŭlenyja bryhadami chutkaj dapamohi ŭ Bresckuju abłasnuju kliničnuju balnicu i Bresckuju dziciačuju abłasnuju balnicu.
«Čaćviora paciarpiełych (1 darosły i 3 dziaciej) špitalizavanyja ŭ reanimacyjnyja adździaleńni. Jašče adno dzicia — u artapieda-traŭmatałahičnaje adździaleńnie. Jaho stan aceńvajecca jak siaredniaj stupieni ciažkaści», — havorycca ŭ paviedamleńni ŭ telehram-kanale viedamstva.
U ministerstvie ŭdakładnili, što špitalizacyja nie spatrebiłasia traim paciarpiełym, im akazali dapamohu ŭ pryjomnych adździaleńniach.
Avaryja pad Brestam adbyłasia siońnia dniom. 52-hadovy kiroŭca, kirujučy hrejdaram, sutyknuŭsia ź mikraaŭtobusam Mercedes-Benz pad kiravańniem 29-hadovaha mužčyny. Ad udaru mikraaŭtobus źjechaŭ u levy kiuviet i pierakuliŭsia. U DTZ paciarpieli pasažyry aŭto — 27-hadovaja žančyna i šeść jaje dziaciej (va ŭzroście ad 10 miesiacaŭ da 8 hadoŭ).
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary