Pres-sakratar polskaha MZS pra adnosiny ź Biełaruśsiu: Čakajem pieršaha realnaha kroku ź biełaruskaha boku
Adkazvajučy na pytańnie ab mahčymym palapšeńni adnosinaŭ ź Biełaruśsiu, pres-sakratar MZS Pavieł Vroński padkreśliŭ, što Polšča čakaje «pieršaha realnaha kroku» ź biełaruskaha boku. Jon nahadaŭ, što siarod patrabavańniaŭ polskaha boku — spynieńnie Biełaruśsiu hibrydnaj ataki na miažy i vydača zabojcy polskaha sałdata.
Napiaredadni Alaksandr Łukašenka zajaviŭ, što Biełaruś choča ŭrehulavać adnosiny z Polščaj, a kiraŭnik biełaruskaha MZS Maksim Ryžankoŭ śćviardžaŭ, što Biełaruś hatovaja da dyjałohu z Polščaj pa situacyi na miažy. Pry hetym jon abvinavaciŭ polski bok u niežadańni vieści dyjałoh i vystaŭleńni palityčnych patrabavańniaŭ.
Zakranajučy pytańnie mahčymaha prahresu ŭ polska-biełaruskich adnosinach, pres-sakratar MZS skazaŭ, što ministr zamiežnych spraŭ Polščy Radasłaŭ Sikorski «pastaviŭ tut umovy raniej, jany zrazumiełyja i dziejničajuć». «Heta kaniec hibrydnaj ataki i padvozu mihrantaŭ da miažy. Tut jość peŭny prahres, i apošnim časam prytok mihrantaŭ źmienšyŭsia. Druhoje pytańnie — pravieści rasśledavańnie zabojstva polskaha sałdata», — skazaŭ Vroński.
Vroński dadaŭ, što viadomaja taksama pazicyja Polščy adnosna palitviaźniaŭ u Biełarusi, u tym liku Andžeja Pačobuta. «My čakajem pieršaha realnaha kroku ź biełaruskaha boku», — adznačyŭ jon.
U sieradu ab mahčymym palapšeńni adnosin ź Biełaruśsiu adkazaŭ na pres-kanfierencyi kiraŭnik MUS Tomaš Siemaniak.
Jon adznačyŭ, što Polšča razhladaje polska-biełaruskija adnosiny kompleksna, uličvajučy pytańnie miažy, hibrydnaj ahresii i dziejnaść biełaruskich słužbaŭ. «Takim čynam, kali Biełaruś vyzvalić Andžeja Pačobuta, pačnie supracoŭničać z Polščaj u spravie zabojcy siaržanta Matevuša Sitaka i pierastanie spryjać cisku na miažy, niesumnienna, buduć sihnały, jakija dazvolać bolš prahmatyčna farmavać hetyja adnosiny z polskaha boku», — dadaŭ kiraŭnik MUS.
U aŭtorak Łukašenka zajaviŭ, što hatovy «ŭrehulavać adnosiny Biełarusi z Polščaj i Litvoj, ale pakul nie bačyć uzajemnaści».
Ad siońnia Litva maje namier uvieści abmiežavańni na ŭjezd aŭto ź biełaruskimi numarami
«Pakul uzajemnaści nie bačym». Łukašenka narakaje, što nie moža damovicca z Polščaj i Litvoju
Karbalevič: Minsk zahavaryŭ pa-inšamu, ale heta pakul tolki słovy, dziejańniaŭ minimum
Što aznačajuć sihnały Łukašenki Polščy i Ukrainie?
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary
Nie vydadut jeho.
Hovoriť načniet čieho nie nado.
No, vozmožno, on sovieršit suicid, o čiem skorbno dołožat polakam. I priedłožat pierieviernuť stranicu.