Dajvier-amatar znajšoŭ na dnie Dniapra pad Oršaj skarb ź vizantyjskimi manietami. Heta siem maniet časoŭ impieratara Alaksieja I Kamnina — jany datujucca pieryjadam pamiž 1092 i 1118 hadami.
Papiaredni śpiektralny analiz pakazaŭ, što hetyja maniety (skifaty) zroblenyja z łahanistaj bronzy, raskazali na ANT. Ale vynik niedakładny, bo maniety nie ačyščalisia. Bližejšym časam płanujuć zrabić izatopny analiz maniet.
«Hetaja manieta pavinna być biłonnaj. Heta značyć jana pavinna składacca ź miedzi i srebra. Ale hetaha my nie zafiksavali. Mahčyma, jana za stahodździ akiśliłasia ŭ vadzie, i srebra tam moža być», — skazaŭ navukovy supracoŭnik Instytuta historyi NAN Biełarusi Ivan Śpiryn.
Raniej samaj bujnoj znachodkaj vizantyjskich maniet u Biełarusi byŭ skarb na pasieliščy Staroha Kapyla. Ale skarby Dniapra mohuć akazacca bolšymi. Imavierna, buduć i inšyja znachodki ŭ tym miescy. U Dniapry moža być nie adzin pud takich maniet, a moža, i cełaje sudna XII stahodździa, ličać navukoŭcy.
Kiraŭnik dajvinh-centra «Marski Piehas» Andrej Lichačoŭ miarkuje, što heta hruz z karabla, jaki paciarpieŭ krušeńnie.
Kamientary
A ŭ nas viaduć historyju haradoŭ zbolšaha z 11 st... Nonsense!