Padčas samitu Jeŭrapiejskaj palityčnaj supolnaści ŭ Vialikabrytanii kiraŭnica Abjadnanaha pierachodnaha kabinieta Śviatłana Cichanoŭskaja sustrełasia z prezidentam Francyi Emanuelem Makronam.
Cichanoŭskaja padčas sustrečy padniała pytańnie palitviaźniaŭ i paprasiła prezidenta Francyi asabista paspryjać vyzvaleńniu palitviaźniaŭ, asabliva tych, chto ŭ ciažkim stanie.
Taksama jana vykazała ŭdziačnaść Francyi za pryznačeńnie śpiecpasłańnicy pa Biełarusi, padtrymku z boku dypłamatyčnych misij, padtrymku hramadzianskaj supolnaści.
«Ja ŭdziačnaja Francyi za pazicyju ŭ dačynieńni da Biełarusi, za vydaču vizaŭ biełarusam, za padtrymku biełarusaŭ na mižnarodnaj arenie. Nam chaciełasia b bolš supracy, i nam patrebna dapamoha prezidenta — u tym liku ŭ pytańni vyzvaleńnia palitviaźniaŭ. My budziem zmahacca za kožnaha», — adznačyła Cichanoŭskaja paśla sustrečy.
Heta druhaja sustreča Cichanoŭskaj z Makronam. Pieršy raz jany sustrelisia ŭ vieraśni 2020 hoda, Makron tady byŭ pieršym zamiežnym lidaram, jaki sustreŭsia ź Cichanoŭskaj.
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ3
Kamientary