Štab Kamały Charys usiaho za tydzień sabraŭ rekordnuju sumu na jaje prezidenckuju kampaniju
Vice-prezidentka ZŠA Kamała Charys, jakaja ŭklučyłasia ŭ prezidenckuju honku tolki ŭ pačatku minułaha tydnia, užo sabrała vialikuju sumu achviaravańniaŭ na svaju vybarčuju kampaniju. Jak paviedamlaje Financial Times sa spasyłkaj na pradstaŭnikoŭ Kamały Charys, jaje pieradvybarčy štab mienš čym za tydzień sabraŭ $200 młn.
Majkł Tajler, dyrektar pa kamunikacyjach kampanii Charys, nazvaŭ heta «rekordnym dasiahnieńniem», adznačyŭšy, što 66% z nazvanaj sumy pastupiła ad ludziej, jakija ŭpieršyniu zrabili padobnaje achviaravańnie.
Vydańnie adznačaje, što Charys sabrała za tydzień bolš, čym dziejny prezident Džo Bajden i były kiraŭnik Biełaha doma Donald Tramp za ŭvieś červień razam uziatyja: štab Bajdena pryciahnuŭ mienš za $63,8 młn u minułym miesiacy, a Trampa — kala 105 młn.
Pry hetym, pavodle danych ab finansavańni pieradvybarnaj honki ŭ ZŠA, da kanca červienia kampanija Trampa i źviazanyja ź joj kamitety palityčnych dziejańniaŭ sabrali ŭsiaho kala $757 młn, u tym liku $431,2 młn u krasaviku-červieni.
Hrupy, źviazanyja z Bajdenam, da jaho vychadu z vybarčaj kampanii sabrali $746 młn, u tym liku $332,4 młn u II kvartale.
Prezidenckaja honka ŭ ZŠA radykalna padzialiła maładych žančyn i mužčyn. U kaho jakija pryjarytety?
Tramp zajaviŭ ab namiery zrabić ZŠA kryptavalutnaj zvyšdziaržavaj. Raniej jon nazyvaŭ bitkojn afioraj
Barak Abama padtrymaŭ kandydaturu Kamały Charys na vybarach u ZŠA
Siarod zarehistravanych vybarcaŭ za Trampa 48%, za Charys 46% — apytańnie New York Times
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary