Urad abiacaje ŭ hod prezidenckich vybaraŭ padniać zarpłaty miedykaŭ da 150, a nastaŭnikaŭ — da 100% ad siarednich
Pra namier sfarmavać biudžet Biełarusi na 2025 hod z zakładzienym deficytam paviedamiŭ pierad pasiadžeńniem prezidyuma Savieta Ministraŭ ministr finansaŭ Juryj Sielivierstaŭ.
Sielivierstaŭ adznačyŭ, što biudžet zachavaje sacyjalnuju skiravanaść.
«My prykładajem namahańni dla vykanańnia hałoŭnaj zadačy — pa zarobkach biudžetnikaŭ. Z ulikam najaŭnych resursaŭ my pavinny da kanca 2025 hoda na płanavanyja paramietry vyjści», — padkreśliŭ ministr.
Pavodle jaho, siaredni zarobak daktaroŭ da 2025 hoda pavinien skłaści 150% da siaredniaha pa ekanomicy, nastaŭnikaŭ — 100%.
U pryjarytecie taksama vydatki, źviazanyja ź infrastrukturaj.
«Darohi, ramont vulic, budaŭnictva žylla — usio heta budzie pryrastać krychu bolš, čym inšyja vydatki biudžetu», — zajaviŭ Sielivierstaŭ.
«Biudžet 2025 hoda płanujecca z deficytam. Heta źviazana zbolšaha i z tym, što my pryciahvajem na realizacyju roznych mierapryjemstvaŭ pazykovyja srodki, u tym liku Rasijskaj Fiederacyi», — źviarnuŭ uvahu ministr.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary