U śpiavački Iva Sativa vyjšaŭ klip, natchniony biełaruskimi rusałkami
Iva Sativa (Jana Smalaha) prezientavała novy klip na pieśniu «Kanapel».
Vobrazy i hałoŭnaja siužetnaja linija ŭ im natchnionyja aziarnicami — biełaruskim «padvidam» rusałak, što nie majuć chvastoŭ i padobnyja da zvyčajnych dziaŭčat. Pavodle vieravańniaŭ, raz na hod aziarnicy vychodziać da ludziej. Hojsajuć pa palach i lasach, siadziać u žycie, huškajucca na halinkach dreŭ, śpiavajuć, mohuć zamańvać ludziej u vadu. Ale kali adna ź ich mocna zakachajecca ŭ chłopca, jana pakidaje siabrovak i byłoje žyćcio i dałučajecca da čałaviečaha śvietu.
Pa słovach dyzajnierki Voli Etyka, jakaja zajmałasia padboram kaściumaŭ dla klipa, zdymki adbylisia jašče 1,5 hoda tamu, i ŭvieś hety čas rabiŭsia postpradakšn. U kamandy nie było biudžetu, ale było ščyraje žadańnie zrabić jakasny pradukt.
Režysiorkaj pracy vystupiła Karyna Chackalova, ale ahułam jana stvarałasia pa pryncypie tałaki.
Karyna adznačyła, što dla mnohich hety prajekt staŭ raźvitalnym spatkańniem ź Minskam, bo mienavita tam adbylisia zdymki.
«Klip zasnavany na falkłory pra biełaruskich rusałak, i jon pra toje, što karma dahaniaje kožnaha», — raskazała režysiorka.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary