SK Rasii nazvaŭ ukraincaŭ, adkaznych za ataku USU ŭ Kurskaj vobłaści
Fihurantami spravy ad rasijskaha SK u suviazi z atakaj na Kurskuju vobłaść stali kamandziry 22-j i 80-j bryhad USU. Ich padazrajuć u ździajśnieńni teraktu, zabojstvie i zamachu na zabojstva za ŭvarvańnie ŭ Kurskuju vobłaść.
Śledčy kamitet RF paviedamiŭ, što ŭ atacy na Kurskuju vobłaść udzielničali ŭ tym liku 22-ja asobnaja miechanizavanaja i 80-ja asobnaja desantna-šturmavaja bryhady USU.
Fihurantami zaviedzienaj u suviazi z atakaj kryminalnaj spravy stali kamandziry hetych častak Uładzimir Pipko i Emil Iškułaŭ. Ich padazraje rasijski SK va ŭčynieńni terarystyčnaha akta, zabojstvie i zamachu na zabojstva.
Dla pryciahnieńnia da kryminalnaj adkaznaści ŭstanaŭlivajuć inšyja asoby, jakija majuć dačynieńnie da vykanańnia zahadaŭ, dadali ŭ rasijskim viedamstvie.
Pa danych Minabarony RF, vajskoŭcy 22-j bryhady USU ŭ kolkaści da 300 čałaviek pačali ataku na Kurskuju vobłaść 6 žniŭnia ŭ rajonach pryhraničnych Nikałajeva-Darjinie i Alešni.
10 žniŭnia rasijskaje vajennaje viedamstva paviedamiła ab źniščeńni kamandnaha składu padraździaleńnia 22-j bryhady USU ŭ pryhraničnym rajonie Kurskaj vobłaści ŭdaram kompleksa «Iskander-M». Tady, pavodle źviestak Minabarony Rasii, zahinuli 15 čałaviek.
Siońnia kiraŭnik Kurskaj vobłaści Alaksiej Śmirnoŭ dałažyŭ Uładzimiru Pucinu, što pad kantrolem USU pa stanie na 12 žniŭnia znachodziacca 28 nasielenych punktaŭ, tam zastajucca kala 2 tys. čałaviek. Pa słovach kiraŭnika rehijonu, ukrainskija siły pranikli na 12 km uhłyb terytoryi vobłaści. Jon raskazaŭ ab 12 zahinułych mirnych žycharach.
Uładzimir Pucin nazvaŭ dziejańni Ukrainy «maštabnaj pravakacyjaj». U rasijskim MZSie abiacali žorstki adkaz.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary
Bo hetkaja padača - ani nie abjektyŭnaść, a samyja zvyčajnaja retraślacyja i adnabakovaje pašyreńnie rasijskich naratyvaŭ.