Śviet88

Źjaviŭsia śpis krain, jakich Rasija ličyła patencyjnymi celami dla jadziernaha ŭdaru. Tam jość i Kitaj, i Iran

Na sakretnych kartach patencyjnych celaŭ rasijskaha fłotu dla naniasieńnia jadziernych udaraŭ, jakija atrymała vydańnie Financial Times, paznačanyja bujnyja harady i abjekty mnohich krain.

Rakietnyja vyprabavańni rasijskaha fłotu ŭ Japonskim mory. Fota: Minabarony Rasii / AP Photo

Pavodle sakretnych dakumientaŭ Minabarony Rasii za 2008-2014 hady, rasijski fłot adpracoŭvaŭ naniasieńnie rakietna-jadziernych udaraŭ pa bujnych haradach i abjektach krain NATA na vypadak paŭnamaštabnaj vajny z Zachadam.

Ale ŭ śpisie dla patencyjnych udaraŭ, akramia dziaržaŭ NATA, jość i ciapierašnija sajuźniki Kramla, paviedamlaje vydańnie Financial Times.

Tak, na zakrytych prezientatyŭnych kartach dla aficerskaha składu Rasii, jakija krynicy Financial Times nazyvajuć «niapoŭnymi», u jakaści celaŭ siarod prazachodnich krain abranyja Estonija, Narviehija, Hiermanija, Francyja, Vialikabrytanija, Rumynija, Bałharyja, Turcyja i Japonija.

Akramia ich, jak bačna na karcie, Kreml taksama paznačyŭ harady i vajskovyja abjekty sajuznych Irana, Kitaja i Paŭnočnaj Karei. Jość u śpisie i Azierbajdžan.

Zakrytyja prezientatyŭnyja karty dla aficerskaha składu Rasii za 2008-2014 hady, na jakich paznačanyja patencyjnyja celi dla jadziernaha ŭdaru z dadatkovymi kamientarami ad žurnalistaŭ Financial Times. Krynica: Financial Times

Financial Times adznačaje, što ŭ zakrytych rasijskich dakumientach havorycca pra pieravahi prymianieńnia jadziernaj zbroi na rańniaj stadyi kanfliktu z vyšejpieraličanymi krainami. Taksama ŭ ich akcentujecca ŭvaha na mahčymaść rasijskich karabloŭ nieści jadziernuju zbroju.

«Vysokaja manieŭranaść fłotu dazvalaje nanosić raptoŭnyja i masiravanyja ŭdary z roznych napramkaŭ», — napisana ŭ adnym z dakumientaŭ.

Hałoŭnym pryjarytetam u vypadku kanfliktu z NATA ŭ dakumientach nazvana «pasłableńnie vajennaha i ekanamičnaha patencyjału praciŭnika». Analityki, na jakich spasyłajecca Financial Times ličać, što heta aznačaje naniasieńnie jadziernych udaraŭ pa abjektach hramadzianskaj i krytyčnaj infrastruktury.

Taksama ŭ źlitaj prezientacyi zhadvajecca varyjant «demanstracyjnaha ŭdaru» — padryvu jadziernaj zbroi ŭ addalenym rajonie dla zastrašvańnia zachodnich krain. Taki ŭdar, jak havorycca ŭ dakumientach, pavinien prademanstravać «najaŭnaść i hatoŭnaść da ŭžyvańnia vysokadakładnaj niestratehičnaj jadziernaj zbroi» i «namier prymianić jadziernuju zbroju».

Kamientary8

  • Šlepok Vahnierok
    13.08.2024
    Tipok Vahnierok, tolko koniec korotkij kak "tri dnia i budiem v Kijevie"
  • Łapata
    13.08.2024
    Tipok Vahnierok, z sarcirami i kakošnikami i piensijaj pa 150$?
  • Josik
    13.08.2024
    A što heta za mir taki? Dzirka ŭ padłozie prybiralni, łapuch zamiest papiery i možam paŭtaryć?

Ciapier čytajuć

U Biełarusi krytyčna padaje naradžalnaść. A jak u susiednich krainach?7

U Biełarusi krytyčna padaje naradžalnaść. A jak u susiednich krainach?

Usie naviny →
Usie naviny

Vyhuł sabak staŭ formaj pratestu ŭ Iranie3

Minhandlu znajšło aŭtara pravakacyjnych upakovak «Sasi žuj» u kramach11

«Kala 70% — biełarusy». Jak Playtika skaraciła varšaŭski ofis za adziny dzień1

Ziebra, jakaja ŭciakła ad haspadara, paśla tydnia na voli stała zorkaj internetu

U Hrodnie z-za mocnych daždžoŭ zatapiła kvatery na dzieviaci pavierchach

Łukašenka: Biełaruś hatova pastaŭlać u Kalininhrad niaščasnuju bulbu8

Wildberries vychodzić na rynak taksi ŭ Biełarusi1

Jak vybrać pravilnuju padušku i ci dapamoža masaž ad bolaŭ u šyi? Adkazvaje doktar-artapied

Rasija naniesła masiravany ŭdar pa adnym z apieratyŭnych aeradromaŭ Ukrainy5

bolš čytanych navin
bolš łajkanych navin

U Biełarusi krytyčna padaje naradžalnaść. A jak u susiednich krainach?7

U Biełarusi krytyčna padaje naradžalnaść. A jak u susiednich krainach?

Hałoŭnaje
Usie naviny →

Zaŭvaha:

 

 

 

 

Zakryć Paviedamić