Pobač ź Minskam adkryŭsia novy rynak. Ci jechać tudy zamiest Kamaroŭki i Tabaraŭ?
Pad Minskam adkryłasia novaja aptova-roźničnaja baza harodniny i sadaviny. Pracuje novy rynak usiaho paru dzion. Žurnalisty blizko.by źjeździli tudy i pahladzieli, ci vyhadna tam zakuplacca i jaki asartymient.
Rynak raźmiaščajecca na terytoryi handlovaha kompleksu Expobel — łakacyja pobač z darohaj Zasłaŭje-Kałodziščy. Zajechać tudy možna na mašynie z terytoryi kompleksu Expobel — kirunak ad kruhavoha ruchu kala krytaha rynku i naprava.
Taksama prajezd adkryty i z advarotnaha boku, dzie idzie daroha Zasłaŭje-Kałodziščy.
Kali vy na hramadskim transparcie, to možna dajechać da kančatkovaha prypynku ŭ rajonie Zialonaha Łuha-6. Zatym pierajści da Expobel. Da samaj aharodninnaj bazy treba budzie prajści jašče chvilin 10.
Tut nie tak šmat pradaŭcoŭ, adnak usia chadavaja harodnina i sadavina jość. Pradaŭcy robiać źnižki, kali kuplać adrazu niekalki kiłahramaŭ.
Da prykładu, bulba ŭ siarednim kaštuje 1,8-2 rubli za kiłahram, ale adzin z pradaŭcoŭ raspavioŭ:
— Tut i optam možna budzie kuplać, my rychtujemsia ŭžo. Dumaju, što ceny prykładna takija ž, jak u Tabarach buduć. Kali kuplać bulbu optam, to jana budzie kaštavać 1-1,1 rubla za kiłahram.
Ahurki kaštujuć 3-3,5 rubla za kiłahram. Košt pamidoraŭ vielmi rozny. Da prykładu, čyrvonaja biełaruskaja śliŭka budzie kaštavać ad 3 rubloŭ za kiłahram, žoŭtaja — 4. Ružovy tamat — 6,5 rubla za kiłahram, čery chatnija — 3,5. U siarednim pamidory kaštujuć 3-5 rubloŭ.
Što tyčycca piercaŭ, to samy tanny za 3,8 rubla. U siarednim jany kaštujuć 4,5-7,5 rubla za kiłahram.
Časnyk možna nabyć za 11-13 rubloŭ za kiłahram, cybulu repčatuju — 1,8, cybulu čyrvonuju — 5, kapustu — 1,6-2. Bakłažany addajuć za 3 rubli za kiłahram, kabački — za 2-2,5.
Što jašče pradajuć na rynku? Tak, niektaryny kaštujuć 6,5-12,8 rubla za kiłahram, piersiki — 7,50-12,8. Dyni možna nabyć za 2,9-3,5 za kiłahram, kavuny ŭ siarednim kaštujuć 2,5. Jabłyki — 2,5-4 rubli za kiłahram, vinahrad — 9,5-13.
Jahad pakul nie tak šmat, bujaki — 13 rubloŭ za kiłahram. Ślivy možna kupić za 6,5 za kiłahram, čarnaśliŭ — 6,80. Hreckija arechi kaštujuć 11,5 rubla za kiłahram.
Adzin z pakupnikoŭ raskazaŭ, što daviedaŭsia pra novaje miesca ź internetu:
— U nas na sajcie sielsavieta źjaviłasia abjava, my i pryjechali. Nu, zručna mienavita siudy zajechać. Ceny — narmalnyja. Voś, kuplajem ahurki, pamidory, cybulu… Asabista ja ŭžo na Kamaroŭku nie jezdžu. Čamu? Tam mašynu narmalna nie pastavić, parkoŭka ŭsiudy płatnaja, dy i potym jašče da jaje treba ciahnuć pakupki.
Vysnovy
Novy rynak tolki pačynaje pracu. Pakul tut nie tak šmat pradaŭcoŭ i pakupnikoŭ. Zatoje ŭ čerhach stajać nie treba, kuplaj — nie chaču. Usia chadavaja harodnina i sadavina jość. Ceny nie mocna adroźnivajucca ad Kamaroŭki abo Tabaraŭ. Adnak tut achvotna robiać źnižku, kali vy bieracie niekalki kiłahramaŭ. Niekatoryja prapanujuć ad 10 kiłahramaŭ užo amal aptovyja ceny.
Što tyčycca zajezdu, to jość vialikaja biaspłatnaja parkoŭka. U aficyjnym Instagram HZC Expobel pakazvajecca čas pracy z aŭtorka pa niadzielu 8:00-17:00. Ale pradaŭcy kažuć, što a 18:00 jašče jość pakupniki.
Ahułam, hety rynak budzie vielmi zručnym dla tych, chto žyvie pobač albo jedzie ŭ bok Baraŭlanaŭ. Adnak pakul na Kamaroŭcy i ŭ Tabarach asartymient pradukcyi značna šyrejšy. Ale kali tut z časam budzie bolš pradaŭcoŭ i pašyrycca asartymient, to aptova-roźničnaja baza harodniny i sadaviny ŭ Expobel stanie značnym kankurentam, asabliva rynku «Novy Lebiadziny», bo jon znachodzicca dalej i dabiracca tudy nie vielmi zručna.
Hałyhina prymusili apraŭdvacca za zvarot da siłavikoŭ u 2020-m17
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary