Jak brytanskija robaty-sabaki zamianiajuć ukrainskich voinaŭ na froncie
Čym hetyja robaty admietnyja i dla jakich met vykarystoŭvajucca?
Jak piša Bild, USU ŭ bajach na Danbasie vykarystoŭvajuć raspracoŭku brytanskaj kampanii Brit Alliance — robataŭ-sabak BAD.2. Jany mohuć vykonvać raznastajnyja misii, siarod jakich vyjaŭleńnie minaŭ, praviadzieńnie raźviedki z praniknieńniem u tranšei i budynki, što nie mohuć zrabić bieśpiłotniki.
Sami raspracoŭščyki vykazvajuć zadavolenaść pracaj robataŭ na pieradavoj. Kiraŭnik Brit Alliance Kajł Torbiern nazvaŭ pieršyja vyniki «cudoŭnymi». Robaty-sabaki dazvalajuć pravodzić raźviedku bolš biaśpiečna.
Preserving lives is our priority, so the Ukrainian defenders use new technologies to perform tasks under human control, such as robot dogs that serve as drones.
They are very compact, durable and agile. Robot dogs detect mines & traps, and track the movement of Russian troops. pic.twitter.com/wJqEeL4hm1
«Našy robaty-sabaki vykonvajuć raźviedzadańni na pieradavoj, źnižajučy ryzyku dla sałdat-ludziej. Heta nie tolki pavyšaje efiektyŭnaść bajavych dziejańniaŭ, ale i ŭmacoŭvaje maralny duch vojska», — cytuje vydańnie słovy Torbierna.
⚡️Another video of the use of robot dogs by the Ukrainian military at the front https://t.co/XQC7XGOMgs pic.twitter.com/usM18rrSMt
Pa danych vajennych ekśpiertaŭ, u ciapierašni čas vykarystoŭvajecca kala 30 takich mašyn, jakija dadatkova abstalavany supraćciepłavym kamuflažam niamieckaj kampanii Concamo, što robić praktyčna niemahčymym ich vyjaŭleńnie ciepłavizarami rasijan.
Jak paviedamlajecca, robaty-sabaki pierasoŭvajucca z chutkaściu da 15 kiłamietraŭ u hadzinu praktyčna biez šumu. Dyjapazon ich raboty składaje prykładna 3,5 kiłamietra, maksimalny čas pracy — piać hadzin. Košt u zaležnaści ad madyfikacyi vahajecca ad 4 da 8 tysiač jeŭra.
Aŭtanomnyja robaty abstalavany videakamieraj, sistemaj apracoŭki vyjaŭ z vykarystańniem štučnaha intelektu. Ich taksama možna vykarystać dla pieramiaščeńnia bojeprypasaŭ ci miedykamientaŭ.
USU, piša vydańnie, źjaŭlajucca adnoj ź pieršych armij śvietu, dzie robaty-sabaki vykarystoŭvajucca dla vykanańnia bajavych zadač.
Kamientary