Biełaruskaja armija, padobna, atrymała novuju partyju samalotaŭ-źniščalnikaŭ
Na adnym z kanałaŭ u tyktoku pra Uzbrojenyja siły Biełarusi zaśviaciłasia videa z palotam biełaruskaha źniščalnika Su-30CM z bartavym numaram «06». Na chvaście samalota vyrazna bačny dziaržaŭny ściah Biełarusi, zaŭvažyŭ telehram-kanał «OtVinta. Aviacija Biełarusi». Z hetaha robicca vysnova, što US RB mahli atrymać ad Rasii novuju partyju samalotaŭ.
Aŭtar kanała źviartaje ŭvahu, što pieršaja pastaŭlenaja ŭ VPS Biełarusi partyja z čatyroch Su-30SM nosić bartavyja numary z «01» pa «04», a nijakich aficyjnych zajaŭ ab papaŭnieńni parku źniščalnaj avijacyi ŭ apošni čas nie było.
Kolki novych samalotaŭ mahła atrymać apošnim časam Biełaruś, pakul nieviadoma, ale bartavy numar «06» śviedčyć, što jak minimum pavinien być i źniščalnik z bartavym «05».
Apošni anons ab novych pastaŭkach u Biełaruś Su-30SM byŭ ad ministra abarony Viktara Chrenina ŭ lutym hetaha hoda. Padobna na toje, što na kadrach jakraz adzin ź ich, tamu ŭ najbližejšy čas varta čakać aficyjnych zajaŭ ad Minabarony.
Aryštavany 75‑hadovy Źmicier Sańko — vieteran-vydaviec3
Kamientary