Rasija vyjaviła «masavyja parušeńni» ŭ armianskim kańjaku paśla zajaŭ Pašyniana ab vychadzie z ADKB
Amal 90% armianskich kańjakoŭ, jakija pastaŭlajucca ŭ Rasiju, «nie adpaviadajuć standartam jakaści».
Pryčym pałova pradukcyi źjaŭlajecca padrobkaj, pakolki źmiaščaje nievinahradnyja śpirty. Takija źviestki pryvodziacca ŭ sumiesnym daśledavańni asacyjacyi «Antykantrafakt» i Sajuza vytvorcaŭ kańjaku, piša Moscow Times.
Dla analizu byli ŭziatyja 200 uzoraŭ kańjaku bolš za 20 handlovych marak ad dziesiaci najbujniejšych armianskich vytvorcaŭ, jakija adpravili ŭ łabaratoryju Usierasijskaha NDI pivavarnaj, biezałkaholnaj i vinarobnaj pramysłovaści. «U 177 ź ich, heta značyć u dzieviaci ź dziesiaci ŭzoraŭ, vyjavili parušeńni. A amal u pałovie vyjavili śpirty nievinahradnaha pachodžańnia. < … > Tolki 23 uzory akazalisia całkam adpaviednymi HOSTam i zakanadaŭstvu Rasii», — havorycca ŭ daśledavańni. Nazvy brendaŭ nie pryvodziacca.
Hiendyrektar «Antykantrafaktu» Kryścina Skrypnik adznačyła, što 89% uzoraŭ nie adpaviadali normie pa arhanaleptyčnych pakazčykach (smak, koler, prazrystaść) i pa źmieście latučych kampanientaŭ, jakija farmirujuć bukiet. A padmiena kańjačnaha dystylatu nieŭstanoŭlenym śpirtam naohuł nie daje prava nazyvać takuju pradukcyju kańjakom. Skrypnik nazvała vyniki daśledavańnia «šakujučymi», a pakazčyki falsifikatu «zaškalvajuć».
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary