MZS Biełarusi vyklikała armianskaha dypłamata i paskardziłasia na kidalnikaŭ harodniny i jajek
Viedamstva zapatrabavała, kab udzielnikaŭ akcyi pakarali pavodle armianskich zakonaŭ.
U MZS Biełarusi vyklikali časovaha pavieranaha ŭ spravach Armienii Nareka Tyraturana.
Nahodaj stała akcyja, jakuju praviali členy partyi «Za Respubliku» kala pasolstva Biełarusi ŭ Jerevanie. Udzielniki akcyi kinuli jajki i aharodninu ŭ dźviery dyppradstaŭnictva.
MZS Biełarusi nazvaŭ hety pierfomans aktam vandalizmu ŭ adnosinach da budynka pasolstva Biełarusi ŭ Jerevanie. Na dumku viedamstva, armianskaja palicyja pryniała niedastatkovyja miery pa praduchileńni akcyi.
«Armianskamu boku ŭkazana na abaviazak zabieśpiačeńnia prymajučaj dziaržavaj zachavanaści biełaruskaj dypmisii i jaje majomaści, a taksama biaśpieki dypłamatyčnaha piersanału, jak heta vyznačana Vienskaj kanviencyjaj ab dypłamatyčnych znosinach i paŭsiudna pryniata», — havorycca ŭ paviedamleńni MZS.
Viedamstva patrabuje, kab armianskija pravaachoŭniki ŭstanavili ŭdzielnikaŭ akcyi i pakarali ich pa zakonie, a taksama kab tyja kampiensavali ŭron.
Kamientary