Alaksandr Łukašenka padčas telefonnaj razmovy pavinšavaŭ Viktara Janukoviča ź pieramohaj na prezidenckich vybarach i vykazaŭ upeŭnienaść, što dobrasusiedskija adnosiny pamiž krainami buduć dynamična raźvivacca na pryncypach davieru i ŭzajemnaj pavahi.
Pra heta paviedamiła 12 lutaha pres‑słužba Partyi rehijonaŭ, jakuju ŭznačalvaje Janukovič.
Janukovič «ciopła padziakavaŭ za vinšavańni i zaprasiŭ Alaksandra Łukašenku na cyrymoniju inaŭhuracyi kiraŭnika ŭkrainskaj dziaržavy».
«My hatovy da dalejšaha ŭmacavańnia braterskich i dobrasusiedskich adnosin pamiž Ukrainaj i Respublikaj Biełaruś», — zajaviŭ Janukovič padčas telefonnaj razmovy z Łukašenkam.
Pres‑słužba biełaruskaha kiraŭnika pra jaho razmovu ź Janukovičam pakul nie paviedamlała.
Pavodle papiarednich źviestak, u druhim tury prezidenckich vybaraŭ 7 lutaha Janukovič nabraŭ 48,95% hałasoŭ, premjer‑ministr Julija Cimašenka — 45,47%. Suprać abodvuch kandydataŭ prahałasavała 4,36% vybarščykaŭ. Kančatkovyja vyniki vybaraŭ pavinny być abjaŭleny da 17 lutaha.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ17
Kamientary