Linkin Park sabraŭsia ŭ novym składzie. Voś chto staŭ novaj salistkaj
Paśla taho, jak u 2017 hodzie salist rok-hurta Čestar Bieninhtan pakončyŭ z saboj va ŭzroście 41 hod, Linkin Park prypyniŭ kancerty.
Ciapier jany viartajucca na scenu, pra što abvieścili padčas tranślacyi ŭ jutubie. Salistkaj stanie 38-hadovaja Emili Armstranh z hurta Dead Sara.
Taksama dałučycca bubnač Kolin Bryten (zamiest Roba Burdona).
U novym składzie buduć i Majk Šynoda, Bred Dełsan, Džo Chan i Dejv Fareł, jakija byli ŭ hurcie z momantu zasnavańnia.
Reliz novaha alboma From Zero zapłanavany na 15 listapada. Hurt užo vypuściŭ adnu ź piesien, jakaja ŭvojdzie tudy — The Emptiness Machine.
Linkin Park pajedzie ŭ suśvietnaje turne ŭvosień. Kancerty buduć u Łos-Andželesie, Ńju-Jorku, Łondanie, Hamburhu, Bahacie, Sieule.
6 z 7 studyjnych albomaŭ, jakija ŭžo vyjšli, jak minimum adzin raz atrymali płacinavy status u ZŠA. Pieršy albom hurta Hybrid Theory, jaki vyjšaŭ u 2000 hodzie, staŭ płacinavym 12 razoŭ, druhi, Meteora, atrymaŭ hety status 8 razoŭ.
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna6
Kamientary