Telefonnyja machlary patelefanavali 13-hadovamu školniku — jon pieravioŭ afierystam 20 tysiač rubloŭ
A jašče syšoŭ z domu na niejki čas.
U Leninskaje RUUS źviarnułasia 46-hadovaja minčanka, jakaja paviedamiła ab źniknieńni jaje 13-hadovaha syna. Taksama z kvatery źnikli bolš za piać tysiač dalaraŭ, piša telehram-kanał «Milicyja Minska».
Na miesca vyjechała śledča-apieratyŭnaja hrupa. U hety ž čas padletak viarnuŭsia dadomu i raspavioŭ abstaviny zdareńnia. Niezadoŭha da prychodu maci na mabilny chłopčyka patelefanavaŭ nieviadomy, jaki pradstaviŭsia supracoŭnikam apieratara sotavaj suviazi.
Mužčyna pierakanaŭ dzicia, što złačyncy sprabujuć uziać na jaho numar kredyt, i zapatrabavaŭ nazvać kody z sms, kab pravieryć najaŭnaść aformlenych kredytaŭ.
Padčas razmovy machlar raspytvaŭ chłopčyka ab prysutnaści pobač ź im baćkoŭ, paśla čaho napałochaŭ padletka, skazaŭšy, što jaho bankaŭskaja karta zamiašanaja ŭ złačynnym łancužku hrašovych pieravodaŭ.
Pad pahrozaj praviadzieńnia ŭ ich kvatery pieratrusu, a taksama dla zachavańnia hrošaj ašukancy vymusili chłopčyka ŭziać usie najaŭnyja i pieravieści ich na «biaśpiečny rachunak».
Dumajučy pra toje, što ratuje hrošy siamji, chłopčyk zabraŭ z pakoja babuli bolš za piać tysiač dalaraŭ i pieravioŭ ich ašukancam praź infakijosk.
Śledčymi zaviedzienyja kryminalnaja sprava pa fakcie machlarstva.
Milicyja prosić baćkoŭ: kali vy pieradajecie aformlenyja na siabie bankaŭskija i sim-karty ŭ karystańnie dzieciam, papiaredžvajcie ich ab mahčymych ašukanskich schiemach.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary