Vajna11

Zialenski raskazaŭ pra «płan pieramohi», jaki pakaža Bajdenu

Prezident Ukrainy Uładzimir Zialenski raskryŭ novuju detal pra «płan pieramohi», jaki jon płanuje prezientavać prezidentu ZŠA Džo Bajdenu na nastupnym tydni. Jak paviedamlaje «Jeŭrapiejskaja praŭda», pra heta jon raskazaŭ u adkaz na pytańnie ŚMI na sumiesnaj pres-kanfierencyi z prezidentkaj Jeŭrakamisii ŭ Kijevie.

Uładzimir Zialenski z Džo Bajdenam u Biełym domie. Fota: AP

Zialenski adznačyŭ, što nie choča raskryvać padrabiaznaściaŭ raniej, čym abmiarkuje płan z Džo Bajdenam.

«U bolšaści svajoj rašeńni pa płanie zaležać mienavita ad jaho. Ad inšych sajuźnikaŭ taksama, ale jość punkty, jakija zaležać mienavita ad pazityŭnaj voli i padtrymki Złučanych Štataŭ. Vielmi raźličvaju, što jon padtrymaje hety płan,» — skazaŭ prezident Ukrainy.

Zialenski taksama adznačyŭ, što realizacyja hetaha płanu zapatrabuje chutkich rašeńniaŭ partnioraŭ i raskryŭ, na jaki pieryjad raźličany hety płan.

«Płan raźličany na rašeńni, jakija pavinny być pryniatyja z kastryčnika da śniežnia… Tady my ličym, što płan spracuje,» — skazaŭ jon.

Raniej Zialenski raskryŭ, što płan składajecca z čatyroch punktaŭ ab umacavańni abaronazdolnaści Ukrainy «plus adzin, jaki nam patrebny paśla vajny».

Jon taksama prakamientavaŭ, što płanuje rabić, kali prezident Bajden nie padtrymaje taki płan dziejańniaŭ i «patrebien budzie płan «B».

«My ŭžo ŭ płanie «B», my ŭ im žyviom i zmahajemsia. U nas nikoli nie było płana «A», bo płan «A» byŭ — nie dapuścić poŭnamaštabnaha ŭvarvańnia, umacavać Ukrainu zbrojaj i previentyŭna ŭvieści sankcyi suprać RF, kab jana bajałasia navat dumki pra poŭnamaštabnaje ŭvarvańnie. Tak što my ŭžo ŭ hetym płanie,» — skazaŭ Zialenski.

Kamientary1

  • Pianist
    21.09.2024
    "U bolšaści svajoj rašeńni pa płanie zaležać mienavita ad jaho. Ad inšych sajuźnikaŭ taksama, ale jość punkty, jakija zaležać mienavita ad pazityŭnaj voli i padtrymki Złučanych Štataŭ"
    Kak žie ty vsiech dostał KVNŝik niedodiełannyj.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Usie naviny →
Usie naviny

Jakija karysnyja vykapni jość va Ukrainie?2

Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam43

Kampanija A1 zapuściła svajo taksi. Dzie ciapier tańniej?2

Litva i Polšča zdahnali Izrail pa VUP na dušu nasielnictva12

U Danii aŭtamabil urezaŭsia ŭ natoŭp ludziej — paciarpieli minimum 11 čałaviek1

Napali i paranili ŭkrainskaha błohiera Siarhieja Ściarnienku34

Azaraŭ: Dumaju, Mielnikava pajechała adpačyvać na Kubu37

Reanimatołah Martaŭ raskazaŭ, jak vyratavaŭ žančynu z čatyrma skraznymi ranieńniami serca5

«Absalutny chaos». Kamała Charys raskrytykavała Trampa ŭ pieršaj pramovie paśla parazy na vybarach8

bolš čytanych navin
bolš łajkanych navin

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Hałoŭnaje
Usie naviny →

Zaŭvaha:

 

 

 

 

Zakryć Paviedamić