Łukašenka pačynaje płaŭny razvarot u zamiežnaj palitycy? Razvažaje Karbalevič
«Jon chacieŭ by prynamsi mieć niejki zapasny varyjant, zapasny aeradrom na vypadak, kali padziei pačnuć raźvivacca niehatyŭna dla jaho».
Palityčny ahladalnik Valeryj Karbalevič na «Radyjo Svaboda» źviarnuŭ uvahu na toje, što napiaredadni prezidenckich vybaraŭ zaŭvažny prykmiety peŭnaha napružańnia ŭładaŭ.
«Inakš ciažka rastłumačyć sprobu Łukašenki deeskałacyi adnosin z Zachadam», —
havoryć Karbalevič i adznačaje «trochi dziŭnavatyja» kroki ŭładaŭ, jakija «vypadajuć z narmalnaha hledzišča».
Pieršy ź ich — heta vyzvaleńnie 115 palitviaźniaŭ ciaham apošnich troch miesiacaŭ:
«Čatyry hady hetych viaźniaŭ tolki nabirali, a ciapier raptam pačali vypuskać i nazvali heta «humannaściu». Z čaho raptam ułady pačali mitusicca?»
Akramia hetaha zaŭvažnaja i źmiena rytoryki Łukašenki:
«Kolki Łukašenka ni havaryŭ by, što Zachad nam ciapier niecikavy, što my pieraaryjentujemsia na Uschod, ale, tym nie mienš, adnosiny z Zachadam dla jaho važnyja. I Łukašenka heta prahavorvaje, niachaj uskosna, apasrodkavana apošnim časam», —
ličyć Karbalevič.
Hetyja matyvy prahučali i ŭ vystupleńni Łukašenki na ŭračystaściach, pryśviečanych Dniu narodnaha adzinstva:
«U sumburnym, supiarečlivym śpičy zhadvałasia i Rasija. Pryčym kali ŭvažliva sačyć, to jana zhadvałasia jak peŭnaja pahroza. Majucca na ŭvazie rasijskija bieśpiłotniki, jakija raptam pačali lotać nad terytoryjaj Biełarusi. (…) Łukašenka kazaŭ, kali budzie niejki vajskovy zamach na Biełaruś, to heta pahroza Treciaj suśvietnaj vajny. Ale ŭ jakaści krynic hetych mahčymych pahroz zhadvalisia i rasiejcy».
«Heta śviedčyć pra toje, što jość peŭnaja niaŭpeŭnienaść režymu Łukašenki ŭ toj situacyi, jakaja jość. I jon chacieŭ by prynamsi mieć niejki zapasny varyjant, zapasny aeradrom na vypadak, kali padziei pačnuć raźvivacca niehatyŭna dla jaho».
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna10
Kamientary