Fiłosaf Ivan Iljin, jakoha prezident Rasii ŭ svaich publičnych vystupach nazyvaŭ «vialikim» i «sapraŭdnym patryjotam» — «ideołah nacyzmu», pracy jakoha pavinny być zabaronienyja, jak i ludzi, jakija prapahandujuć jaho teksty. Pra heta raspavioŭ u efiry ANT deputat Ihar Marzaluk, źviarnuła ŭvahu «Lusterka».
Pra Iljina (1883—1954) deputat vykazaŭsia ŭ filmie-rasśledavańni «Pra karani cikavaści biełaruskich padletkaŭ da ideałohii nacyzmu».
Ihar Marzaluk padkreśliŭ, što nieanacysty — paśladoŭniki starych ideałohij hitleryzmu i fašyzmu.
— Nianaviść taja ž samaja, kancepty tyja ž samyja. < … > Abhortki krychu mianiajucca, ideałohija taja ž samaja. Inšaja sprava, što nieanacysty kamuflirujuć svaje pohlady.
U svoj čas, kali hitleryzm, jak i fašyzm Bienita Musalini, paciarpieli krušeńnie, to asobnyja, u tym liku ruskija, ideołahi nacyzmu, u tym liku fiłosaf Iljin, zajavili, što nie treba ŭžyvać słova fašyzm. Zajmacca tym ža samym, ale nie ŭžyvać hetyja słovy.
Pa-inšamu nazyvać partyi, pa-inšamu nazyvać ideałohii: «novyja pravyja», jašče što-niebudź, a źviaryny aščer toj ža: apałohija vajny, apałohija nianaviści, Apałohija nacyzmu i pryncypovaje niepryznańnie roŭnaści ŭsich ludziej. Voś heta nacyzm. Upeŭnienaść u tym, što dziela niejkich idej možna niejkuju hrupu siehrehavać, źniščyć, ścierci z tvaru ziamli, — vykazaŭsia Marzaluk.
Deputat padkreśliŭ, što nacyzm jak ideałohija pavinien być zabaronieny.
— I lubyja ideałahiemy, jakija prapahandujuć nacyzm, jak i ludzi, jakija prapahandujuć teksty [ideołahaŭ nacyzmu], pavinny być zabaronienyja i ich nie pavinna być u publičnym dyskursie, — adznačyŭ Ihar Marzaluk.
Dva hady tamu Pucin paśla padpisańnia tak zvanaj Damovy ab uklučeńni zachoplenych ukrainskich terytoryj u skład Rasii svoj vystup rasiejski lidar zaviaršyŭ cytataj Iljina, jakoha nazvaŭ «sapraŭdnym ruskim patryjotam».
Pavodle padlikaŭ daśledčykaŭ, Pucin cytavaŭ Iljina ŭ svaich vystupach jak minimum šeść razoŭ — u 2005, 2006, 2012, 2013, 2014 i 2022 hadach.
Trojčy — u pasłańniach Fiederalnamu schodu, dvojčy — pierad vajennaj aŭdytoryjaj i adzin raz — na maładziožnym forumie. Iljina taksama cytavali abo zhadvali eks-prezident RF Dźmitryj Miadźviedzieŭ, kiraŭnik MZS Siarhiej Łaŭroŭ, inšyja rasijskija čynoŭniki, patryjarch Kirył.
U 2005-m prach prach Iljina pierapachavali ŭ Rasii na mohiłkach Danskoha manastyra. Jaho «susiedziami» stali bieły hienierał Anton Dzianikin i piśmieńnik Ivan Šmialoŭ. Paźniej pobač ź imi pachavali i nobieleŭskaha łaŭreata Alaksandra Sałžanicyna.
U 2009-m Pucin, tady premjer (u paŭzach pamiž prezidenckimi terminami), uskłaŭ kvietki na ich mahiły. Archimandrytu Cichanu, jaki supravadžaŭ jaho, jon pryznaŭsia, što časta pieračytvaje knihu «Što abiacaje śvietu rasčlanieńnie Rasii».
Sa słoŭ Pucina, u hetaj pracy fiłosaf pieraścierahaŭ, što «padzieł vialikaj krainy nieminuča pryviadzie da katastrofy». Iljina i troch inšych dziejačaŭ premjer nazvaŭ «dziaržaŭnikami».
U 2006-m biblijateku Iljina ź inicyjatyvy Pucina viarnuli ŭ Rasiju i pieradali ŭ MDU. Na adnym z budynkaŭ hetaha ŭniviersiteta ŭ honar fiłosafa ŭstalavali miemaryjalnuju došku, u Jekaciarynburhu — pomnik. Cytaty i teksty z tvoraŭ Iljina šyroka vykarystoŭvajucca jak zadańni dla školnaha Adzinaha dziaržaŭnaha ekzamienu. A sam rasijski prezident nieadnarazova cytavaŭ Iljina ŭ svaich vystupach.
Ciapier čytajuć
«My nie viedali Siarhieja Cichanoŭskaha da siońniašniaj pres-kanfierencyi»17
Kamientary
apałohija vajny, apałohija nianaviści, Apałohija nacyzmu i pryncypovaje niepryznańnie roŭnaści ŭsich ludziej. Voś heta nacyzm. Upeŭnienaść u tym, što dziela niejkich idej možna niejkuju hrupu siehrehavać, źniščyć, ścierci z tvaru ziamli, — vykazaŭsia Marzaluk.
Ale tym nia mienš - brava Marzaluk, brava