«Biełavija» pradaje apošni kanadski samalot sa svajho avijaparku
Biełaruskaja kampanija «Biełavija» vystaviła na tarhi apošni sa svaich piaci samalotaŭ kanadskaj vytvorčaści Bombardier. Aŭkcyjon na elektronnaj handlovaj placoŭcy «IPM-Torhi» pačaŭsia 25 vieraśnia i pavinien zaviaršycca 24 kastryčnika, piša telehram-kanał «OtVinta | Avijacyja Biełarusi».
Samalot CRJ-100 1999 hoda vypusku vystaŭleny na prodaž biez ruchavikoŭ. Apošnija 5 hadoŭ samalot nie vykarystoŭvaŭsia i znachodziŭsia na zachavańni. Pry hetym «pracazdolnaść vuzłoŭ i ahrehataŭ nie praviarałasia», a pry nastupnym instrumientalnym kantroli i dyjahnostycy «mahčymaje vyjaŭleńnie schavanych defiektaŭ».
«Biełavija» nabyła hety samalot u 2007 hodzie, a datul jon znachodziŭsia ŭ parku avijakampanij z Francyi, Hiermanii, Kanady i ZŠA.
Startavaja cana na samalot vyznačanaja na ŭzroŭni 2,92 młn rubloŭ (prykładna 910 tys. dołaraŭ). Kožny krok na aŭkcyjonie roŭny 146 tys. rublam. Akramia kančatkovaj cany, pieramožcu aŭkcyjonu pryjdziecca apłacić fiksavanuju sumu za ŭdzieł u tarhach u pamiery 500 rubloŭ, a taksama sumu ŭznaharody arhanizataru tarhoŭ — 0,5% ad cany prodažu łota.
Dadatkova pakupniku daviadziecca ŭziać na svoj košt pahruzku i transpartavańnie samalota, bo ni pradaviec, ni arhanizatar aŭkcyjonu takich pasłuh nie akazvajuć.
Pryčynaj prodažu CRJ-100 nazyvajecca toje, što biełaruski pieravozčyk vyrašyŭ admovicca ad samalotaŭ Bombardier, faktyčna vyviedzienych z parku ŭ 2018 hodzie, na karyść «bolš sučasnych i ekanamičnych» samalotaŭ.
Raniej u «Biełavija» byli jašče čatyry samaloty kanadskaj vytvorčaści. Adzin ź ich byŭ stračany ŭ 2008 hodzie ŭ vyniku avaryi z abledzianieńniem kryła na rejsie Jerevan-Minsk, dva ŭ 2020 hodzie viarnuli lizinhadaŭcu, a adzin u 2023 hodzie byŭ pieradadzieny ŭ navučalny avijacyjna-techničny centr Biełaruskaj dziaržaŭnaj akademii avijacyi.
Viačorka prakamientavaŭ słovy Jašyna pra toje, što Łukašenka mianiaje palitviaźniaŭ na detali dla samalotaŭ
Jašyn: Łukašenka abmieńvaje palitviaźniaŭ na detali dla samalotaŭ «Biełavija»
Samy pieršy zamiežny samalot «Biełavija» byŭ pradadzieny Iranu amal try hady tamu. Ale paćvierdziłasia heta tolki zaraz
«Biełavija» sprabavała zakupić novyja samaloty, ale kitajskija darahija, a rasijskija nieprydatnyja dla dalokich palotaŭ
Ciapier čytajuć
«Ja hatovaja stać ministram ekanomiki Biełarusi». Novy tvar u Kabiniecie Alisa Ryžyčenka — pra karupcyju na karyść Łukašenak, Zareckuju i reformy26
Kamientary