«Usie fihačyli pa orkach z uśmieškaj na tvary. Mianie zatrochsocili, i ŭśmieški źnikli»
Piechaciniec Pałka Kalinoŭskaha raskazaŭ pra boj i svajo ranieńnie.
«Adychodzili orki. My ŭžo dali im boj narmalna. Było dva kulamioty ŭ nas. Narmalna im navalvali. Pa krykach było [čuvać]: «Adychodzim, adychodzim». Ja stralaju z kulamiota. Zakančvajecca lenta ŭ im. I ŭ hety čas litaralna ŭ mietry ad mianie tak dobra šachaje. Ja ŭ paŭprysiadzie. Mianie skošvaje», — zhadvaje piechaciniec Pałka Kalinoŭskaha z pazyŭnym Rahnar. Videa ź im raźmieščana ŭ telehram-kanale pałka.
Pa słovach bajca, pieršy bol jon adčuŭ unizie pravaj nahi i vyrašyŭ, što adarvała stupniu. Ale adnačasova levaja štanina litaralna za chvilinu stała mokraj ad kryvi.
«U chłopcaŭ hareli vočy. Jany byli radyja, što narešcie orki tut. Nichto nie zabajaŭsia. I ŭsie narmalna fihačyli z uśmieškaj na tvary. Ale tak atrymałasia, što mianie zatrochsocili i ŭśmieški prapali, tamu što viedali, što ciahnuć mianie było takoje sabie zadavalnieńnie», — z humaram zhadvaje Rahnar.
U videa možna pabačyć kadry, źniatyja niepasredna padčas boju i nastupnaj evakuacyi paranienaha bajca. Čuvać, jak jon u sanitarnaj evakuacyjnaj mašynie kryčyć i tłumačyć: «Ja ž kažu, što bajusia ŭkołaŭ. Ja nienavižu ŭkoły».
Mužčyna raskazvaje, što ŭ roznych častkach jaho cieła (abiedźviuch nahach i ruce) zastalisia askiepki. Adzin ź ich buduć vydalać, a dva inšych tak i zastanucca, bo nie ŭjaŭlajuć niebiaśpieki.
«Nastroj vydatny. Ničoha žyćciova važnaha nie zakranuta. [Płanuju] u boj viarnucca, da mužykoŭ, dalej vajavać jak zvyčajna», — havoryć Rahvar.
Aŭtary videa adznačajuć, što bajec užo prajšoŭ reabilitacyju i ŭ chutkim časie vierniecca da bajavoj pracy.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1919
Kamientary