U Ispanii zatrymali biełarusa, jakoha nazyvajuć adnym ź lidaraŭ złačynnaj mižnarodnaj chakierskaj hrupoŭki
U vyniku apieracyi pravaachoŭnych orhanaŭ 12-ci krain, kaardynavanaj Jeŭrapałam, byli zatrymanyja čatyry čałavieki, źviazanyja sa złačynnaj mižnarodnaj chakierskaj hrupoŭkaj. Siarod ich — biełarus, jakoha ispanskija ŚMI nazyvajuć adnym z hałoŭnych arhanizataraŭ infrastruktury LockBit, piša «Lusterka».
Jak piša vydańnie 20minutos.es, u aeraporcie Madryd-Barachas hramadzianskaja hvardyja zatrymała adnaho z asnoŭnych arhanizataraŭ infrastruktury LockBit — škodnasnaj prahramy, jakaja adkaznaja za kibierataki ŭ bolš čym 120 krainach i naniesła škodu 2500 kampanijam, pryvatnym asobam i ŭstanovam.
Pavodle krynic, blizkich da rasśledavańnia, zatrymany hramadzianin Biełarusi, jaki žyŭ u Dubai.
«Jaho zatrymańnie stała častkaj mižnarodnaj apieracyi, kaardynavanaj Jeŭrapałam, u jakoj taksama ŭdzielničali Francyja, Vialikabrytanija i Ispanija. U chodzie apieracyi byli praviedzienyja pieratrusy i aryšty ŭ 12 krainach.
Jak paviedamiła Hałoŭnaje ŭpraŭleńnie hramadzianskaj hvardyi, zatrymany źjaŭlajecca klučavoj fihuraj u infrastruktury LockBit, bo kiravaŭ internet-pravajdaram, jaki zabiaśpiečvaŭ ananimnaść i kanfidencyjnaść klijentam hrupy», — piša vydańnie.
U miežach hetaj samaj apieracyi ŭłady Francyi zatrymali mierkavanaha raspracoŭščyka LockBit, a brytanskija palicejskija aryštavali dvuch čałaviek za mierkavanuju padtrymku dziejnaści afilijataŭ škodnasnaj prahramy.
LockBit ličycca pijanieram u vykarystańni madelaŭ vymahalnictva, jakija spryjajuć rostu kibierzłačynnaści, robiačy jaje dastupnaj navat dla ludziej bieź pieradavych techničnych navykaŭ. Z kanca 2019 hoda hetaja prahrama vykarystoŭvajecca kibierzłačyncami dla praniknieńnia ŭ infarmacyjnyja sistemy ŭstanoŭ i kampanij.
U mai ZŠA vystavili abvinavačvańni mierkavanamu stvaralniku i administrataru LockBit — rasijaninu Dźmitryju Chorašavu — i prapanavali ŭznaharodu da 10 miljonaŭ dołaraŭ za infarmacyju, jakaja pryviadzie da jaho aryštu ci asudžeńnia.
Aryštavany adzin z samych viadomych kibierzłačyncaŭ u śviecie, im akazaŭsia biełarus. Što viadoma pra Maksima Silnikava?
Iranskija chakiery pierasłali kradzienuju infarmacyju sa štaba Trampa ŭ štab Bajdena — FBR
Makron prapanoŭvaŭ Duravu pieranieści štab-kvateru Telegram u Paryž, a śpiecsłužby Francyi łamali ajfon zasnavalnika miesiendžara
Kamientary