Nieruchomaść66

Paśla praciahłaha rostu ŭ Biełarusi prykmietna źniziŭsia popyt na nieruchomaść. Čamu tak adbyvajecca?

Ciaham hoda popyt na kvatery ŭ Minsku biŭ rekordy. Ale z prychodam vosieni trend pierałamaŭsia.

Ilustracyjny zdymak. Fota: «Naša Niva»

Popyt pajšoŭ uniz

U vieraśni kolkaść ździełak na rynku staličnaj nieruchomaści davoli rezka ŭpała. Kali ŭ žniŭni było pradadziena 1982 kvatery, to ŭ minułym miesiacy — 1616 (-18%). Heta najhoršy pakazčyk za 2024 hod, kali nie brać pad uvahu studzień, kali popyt na nieruchomaść tradycyjna znachodzicca na nizkim uzroŭni.

Prodažy ŭ vieraśni 2024-ha taksama na 7% mienšyja, čym u vieraśni 2023 hoda, kali adbyłosia 1739 ździełak.

Z-za spadu abjomaŭ prodažaŭ krychu źniziŭsia siaredni košt kvadratnaha mietra ŭ stalicy — minus 0,3% pa vynikach realnych ździełak. Pry hetym ceny ŭ abjavach pa iniercyi praciahnuli raści — plus 1,3%.

Čamu tak adbyvajecca?

Ekśpiertka BEROC Anastasija Łuzhina nazyvaje dźvie asnoŭnyja pryčyny, pa jakich popyt na žyllo ŭ vieraśni istotna skaraciŭsia.

«Pa-pieršaje, kredyty stali daražejšymi. Pa-druhoje, źmianilisia praviły vydačy lhotnych kredytaŭ (pad 12,5%). Niadaŭna źjaviłasia pryviazka da miesca rehistracyi. Ciapier nielha stajać u čarzie, naprykład, u Kalinkavičach, a nieruchomaść nabyvać u Minsku», — tłumačyć ekanamistka.

Ahienctvy nieruchomaści adznačajuć, što dola pakupnikoŭ z kredytami paśla hetych źmien užo paśpieła źnizicca z 40% da 35%. Pry hetym, padkreślivajuć, rynak u poŭnaj miery adčuje hetyja nastupstvy tolki pa vynikach kastryčnika.

Ilustracyjny zdymak. Fota: «Naša Niva»

Siarod inšych pryčyn źnižeńnia popytu na kvatery ekanamistka nazyvaje nasyčeńnie adkładzienaha popytu.

«Za 2022-hi i pačatak 2023 hoda nakapilisia adkładzienyja patreby, jakija mahli paŭpłyvać na ciapierašni popyt, a kali jany nasycilisia, prodažy pačali źnižacca», — ličyć ekśpiertka.

Čaho čakać dalej?

Što tyčycca bližejšych pierśpiektyŭ, to, na dumku Łuzhinoj, popyt na nieruchomaść moža praciahnuć padać.

«Pa vynikach žniŭnia siaredniaja zarpłata nie vyrasła, jak u papiarednija pieryjady, a naadvarot, źniziłasia na 14 rubloŭ. Kali hetyja tendencyi zachavajucca, to bolš vysokija staŭki pa kredytach i zapavoleńnie rostu dachodaŭ nasielnictva mohuć akazvać achaładžalny ŭpłyŭ na rynak žyłoj nieruchomaści», — ličyć ekanamistka.

Kamientary6

  • Chreninh
    11.10.2024
    Kali "lhotnyja" kredyty pad 12,5%, to jakija ž jany lhotnyja? Dziaruć, jak lipku! Napeŭna, spadzieŭ u ludziej tolki na chutkuju devalvacyju rubla.
  • Chimienies
    11.10.2024
    Kvartiry pokupajut obyčno, kohda idiot i on vidien rost ekonomiki. Rabotajut firmy, prodajutsia normalnyje avtomobili i t.d., kak rańšie. A siehodnia vitajet v vozduchie stohnacija, da Łukašienko v svojom viertoletie nad Minskom, kohda zvonit Putinu po ZAS...)))
  • Kotya
    11.10.2024
    Chimienies, cieny na žilje tolko rośli poślednije hody
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj

Usie naviny →
Usie naviny

Na paradzie ŭ Minsku pakazali zienitny kompleks na šasi MAZ, jaki vykarystoŭvaje Rasija va Ukrainie3

U Jehipcie pierakuliŭsia aŭtobus z turystami ź Biełarusi, Rasii i Kazachstana

U Minsku prajšoŭ vajskovy parad u honar 80-hodździa pieramohi nad Hiermanijaj10

U Pakistanie dumajuć, što dla ich u Biełarusi buduć 198 tysiač vakansij1

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad9

Hirkin nazvaŭ mahčymyja kirunki nastupnych ukrainskich udaraŭ6

U Minsku ŭžo źjaviłasia novaja siniaja raźmietka1

Na parad u Hrodnie vyvieli kazu. Ź joj akazałasia składaniej, čym ź ludźmi VIDEA10

Što viadoma pra biełarusa Andreja Sakałoŭskaha-Stankieviča, jakoha aryštavali ŭ Rasii i abvinavačvajuć u padrychtoŭcy dyviersii2

bolš čytanych navin
bolš łajkanych navin

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić