Voś jakim čynam.
U efiry rasijskaha pravasłaŭnaha telekanała «Spas» rasijski Z-prapahandyst Siarhiej Michiejeŭ, časty hość prahram Uładzimira Sałaŭjova, nazvaŭ fienomien kvadrobieraŭ «kalektyŭnym varjactvam i sadamaza-chreńniu, jakuju prydumali na Zachadzie dla pryhniotu dziaciej i niepaŭnaletnich».
Pry hetym prapahandyst adznačyŭ, što dla kvadrobieraŭ moža znajścisia pryznačeńnie ŭ kantekście vypraŭleńnia demahrafičnaj situacyi ŭ Rasii, a mienavita šlacham «ich razmnažeńnia padobna žyviołam».
«Słuchaj, kvadrobier, voś hladzi, u taho sabaki šeść ščaniukoŭ, a ŭ ciabie, što, nivodnaha? Nu jaki ž ty paśla hetaha kvadrobier? Znajdzi sabie inšaha «sabačku» i kab u vas taksama było 6, a lepš 8 ci 12 dziaciej. Tam, hladziš, i stanieš bolš razumnym», — źviarnuŭsia da kvadrobieraŭ prapahandyst Michiejeŭ na «Spasie».
Prapahandyst dadaŭ, što kvadrobiery, prypadabniajučysia žyviołam, «adychodziać ad božaj zadumy, što ŭźvialičvaje čałavieka, i traplajuć pad upłyŭ Satany, jaki pašle ich na zaboj». Tuju ž dumku padtrymlivajuć i łukašenkaŭskija prapahandysty, jakija napieraboj pačali krytykavać kvadrobieraŭ i ich baćkoŭ, pastaviŭšy dziciačaje chobi ŭ adzin šerah z satanizmam (a taksama homaseksualizmam i pryjomam narkotykaŭ).
Fienomien kvadrobieraŭ pajšoŭ ad kvadrobiki (ad łac. quattuor — «čatyry» i anhł. aerobics — «aerobika») — nieaficyjnaha vidu sportu rodam ź Japonii, u jakim jak dzieci, tak i darosłyja pieramiaščajucca na karačkach, imitujučy ruchi žyvioł. Padčas zaniatkaŭ pryniata vykarystoŭvać maski i nakładnyja chvasty ŭłasnaj vytvorčaści. Čaściej za ŭsio kvadrobiery — heta dzieci i padletki 7-14 hadoŭ, dla jakich heta chutčej hulnia, čym spartyŭnaje spabornictva.
U Mahilovie kvadrobiery zachacieli paznajomicca z sabakam. Ale toj hetaha nie acaniŭ VIDEA
Nie kvadrobierami adzinymi. Niefarmały 2000-ch raskazali, čamu było niebiaśpiečna stanavicca ema i jak źjadańnie kormu z sabačaj miski dapamahaje intraviertam
U Rasii anansavali vypusk «pieršaha pravasłaŭnaha miesiendžara». Što jon budzie saboj ujaŭlać?
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary