U Polščy naradzilisia čatyry vielmi redkija sumatranskija tyhraniaty FOTAFAKT
Va Urocłaŭskim zaaparku ŭ Polščy naradziłasia čaćviora sumatranskich tyhraniat: try samcy i adna samačka. Ich vid vymiraje.
«Naradžeńnie čatyroch asobin — heta amal fienomien. U takich šmatlikich pamiotach časta nie ŭsie tyhraniaty dasiahajuć darosłaha ŭzrostu. Tamu tym bolš radasna, što tyhraniaty raźvivajucca zdarovymi, aktyŭnymi, chočuć jeści i hulać adzin z adnym i sa svaimi baćkami», — paviedamlaje zaapark. Tam adznačyli, što baćka tyhraniataŭ byŭ ź imi z samaha pačatku, što dla tyhra redkaść, paviedamlaje Rasijskaja słužba Radyjo «Svaboda».
Dzicianiaty naradzilisia jašče ŭ lipieni, ale zaapark vyrašyŭ nie paviedamlać pra heta, pakul jany nie adužejuć i nie projduć vakcynacyju.
Imiony tyhraniatam pakul nie dali — zaapark padumvaje dać hetuju mahčymaść naviedvalnikam.
U dzikaj pryrodzie zastałosia ŭsiaho kala 400 asobin sumatranskaha tyhra. Vid znachodzicca na miažy poŭnaha źniknieńnia pa vinie čałavieka.
Areał pasialeńnia tyhraŭ istotna skaraciŭsia z-za pašyreńnia palmavych płantacyj, a na samich žyvioł palujuć brakańjery — u tym liku dziela vina z tyhrovych kostak (bahatyja kitajcy vierać, što jano nadzielić ich rysami tyhra).
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary