Rasijski «šachied», jaki lacieŭ na Mazyr, źbili ŭ Jelskim rajonie
«Biełaruski Hajun» piša, što hetaj nočču ŭ Biełaruś zalacieli try «šachiedy».
Unačy z 19 na 20 kastryčnika ŭ Biełaruś z Ukrainy zalacieli nie mienš za try rasijskija drony-kamikadze typu «šachied». Pieršy zajšoŭ praz h.p. Kamaryn u rajonie 00:38 i kala 00:40 užo palacieŭ na Prypiać.
Nastupny «šachied» zalacieŭ z Žytomirskaj vobłaści kala 01:12 i ruchaŭsia ŭ napramku Lelčyc. Ale praz paru chvilin jon źmianiŭ kurs i nakiravaŭsia ŭ bok Mazyra.
Prykładna ŭ 01:25 dron byŭ źbity siłami SPA US RB nad Jelskim rajonam Homielskaj vobłaści. Vybuch byŭ čutny adrazu ŭ niekalkich navakolnych nasielenych punktach, piša manitorynhavaja hrupa.
U toj momant u niebie nad Homielščynaj znachodziŭsia źniščalnik, jaki vylecieŭ z Baranavičaŭ kala 01:10 i da 02:30 viarnuŭsia na bazu.
«Hajun» piša, što za noč u Biełaruś zajšli minimum try drony. Pa infarmacyi pavietranych sił USU, za noč u Biełaruś zalacieli i nie viarnulisia 2 BPŁA. «Chutčej za ŭsio, druhim BPŁA, jaki moh zajści i źniknuć u RB, byŭ «šachied», zaŭvažany na poŭnačy Kijeŭskaj vobłaści kala 01:32, miarkujuć aŭtary kanała.
Kamientary
To jesť jeho ukraincy zapustili? Vied́ oni kontrolirujut tierritoriju etoj obłasti