U dzień 20-j hadaviny šlubu Śviatłana Cichanoŭskaja zhadała asabistaje i pakazała siamiejnyja fota ź Siarhiejem
Lidarka biełaruskich demakratyčnych sił Śviatłana Cichanoŭskaja zapisała videa z nahody asabistaj daty — 20-hodździa siamiejnaha žyćcia. Jana raskazała pra sumiesnaje žyćcio ź Siarhiejem i pahartała siamiejny albom.
Śviatłana kaža, što ŭ ich była zvyčajnaja siamja — sa svaimi radaściami i ciažkaściami. Syn Karniej źjaviŭsia na śviet praź piać hadoŭ z momantu viasiella — «pakul asvoilisia, prycierlisia», žartuje jana.
Druhoje dzicia — dačka Ahnija. Pavodle Śviatłany, dziaŭčynka charaktaram padobnaja da baćki — «ahoń».
Śviatłana, jakaja 20-hodździe sumiesnaha žyćcia sustrakaje biez muža-palitviaźnia, uspomniła, jakim było heta śviata 10 hadoŭ tamu.
«Karnieju ŭžo było piać. Pozna ŭviečary niečakana — zvanok u dźviery, Siarhiej viartajecca z pracy i kaža: «Źbirajsia, my źjazdžajem». A ja: «Što, kudy, u mianie ž dzicia adno, jak ja jaho pakinu». A jon užo ŭsio arhanizavaŭ, znajšoŭ, chto pasiadzić z małym, i my pajechali ŭ Paryž. I heta było vielmi, vielmi ramantyčna. Praviali try niezabyŭnyja dni», — raspaviała Śviatłana.
Błohiera i zasnavalnika «Krainy dla žyćcia» Siarhieja Cichanoŭskaha zatrymali na pieradvybarčym pikiecie ŭ Hrodnie 29 maja 2020 hoda.
U śniežni 2021 hoda jaho asudzili da 18 hod kałonii ŭzmocnienaha režymu, pryznaŭšy vinavatym u arhanizacyi masavych biesparadkaŭ, raspalvańni sacyjalnaj varožaści, pieraškodzie pracy CVK, arhanizacyi dziejańniaŭ, jakija hruba parušajuć hramadski paradak.
-
U Miorskim rajonie lekcyi pra siamiejnyja kaštoŭnaści miascovyja načalniki čytali piensijanieram FOTY
-
«Admienim roŭminh, kazali jany. U vyniku admianili internet». Biełarusy raskazali, što ŭ Rasii nie pracuje roŭminh ni A1, ni MTS
-
«Zaraz jaje budzie achoŭvać Siaroža». Boty atrymali novuju mietadyčku pra Cichanoŭskuju
Źnikłuju ŭ Mjanmie Vieru Kraŭcovu znajšli miortvaj6
Źnikłuju ŭ Mjanmie Vieru Kraŭcovu znajšli miortvaj
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary
Kolki ž usim nam budzie ščaścia, kali sipaty zhinie!