Rasstat pierastaŭ publikavać detalovuju statystyku inflacyi, jakaja raskryvaje rost cen na kožny z tavaraŭ i pasłuh, jakija ŭličvajucca ŭ spažyvieckim košyku.
Rasstat nie apublikavaŭ pakampanientnyja danyja pa inflacyi za vierasień, źviarnuli ŭvahu analityki. Havorka idzie ab detalovaj statystycy, jakaja raskryvaje, nakolki padaražeŭ kožny z tavaraŭ i vidaŭ pasłuh, jakija ŭličvaje Rasstat u svaim spažyvieckim košyku.
Ahulnaja ličba pa inflacyi za vierasień była apublikavanaja Rasstatam 11 kastryčnika. I choć z tych časoŭ prajšło bolš za dva tydni, detalovyja danyja tak i nie źjavilisia ni na sajcie Rasstata, ni ŭ Adzinaj mižviedamasnaj infarmacyjna-statystyčnaj sistemie.
Dla raźliku miesiačnaj inflacyi Rasstat uličvaje ceny prykładna 500 tavaraŭ i pasłuh, dla tydniovaj inflacyi — kala 100 najmieńniaŭ.
Zhodna z apošniaj miesiačnaj statystykaj, inflacyja ŭ vieraśni zamarudziłasia da 8,6% z 9% u žniŭni i 9,1% u lipieni.
Paśla pačatku ŭvarvańnia va Ukrainu rasijskija ŭłady ŭžo zasakrecili ŭsiu mytnuju statystyku, danyja pra zołatavalutnych reziervy CB i dazvolili bujnym kampanijam nie raskryvać finansavyja pakazčyki ŭ spravazdačnaści. U 2023 hodzie pad hryf «sakretna» patrapili danyja ab zdabyčy ŭ Rasii nafty i hazu, a ŭ 2024 hodzie, paśla sieryi nalotaŭ ukrainskich dronaŭ, Rasstat pierastaŭ publikavać statystyku vytvorčaści bienzinu i dyzielnaha paliva, piša The Moscow Times.
Ab źniknieńni statystyki Rasstata pa inflacyi stała viadoma nieŭzabavie paśla taho, jak ekanamisty Stakholmskaha instytuta ekanomiki pierachodnaha pieryjadu zajavili, što rasijskija ŭłady, vierahodna, falsifikujuć danyja pa roście cen i takim čynam zavyšajuć ličby ekanamičnaha rostu.
Ciapier čytajuć
70-hadovuju žančynu z Homiela pasadzili za kamientary. Heta samaja pažyłaja palitźniavolenaja15
Kamientary