Jak i ŭsie spravy pra nibyta «zdradu dziaržavie» i «ŭdzieł u terarystyčnaj arhanizacyi», hetaja razhladajecca ŭ atmaśfiery poŭnaj sakretnaści.
Zhodna sa źviestkami prajekta Digital intelligence team, Siarhieju Cichanavu 32 hady. U Mahiloŭskaj vobłaści jość jašče adzin čałaviek z takim ža imieniem i proźviščam, ale niekatoryja fakty pakazvajuć, što havorka pra taho čałavieka, jakoha my identyfikavali.
Rodam jon z horada Słaŭharad Mahiloŭskaj vobłaści. Paśla škoły adsłužyŭ u armii dy skončyŭ prafiesijna-techničny licej №3 pa śpiecyjalnaści «techničnaje zabieśpiačeńnie sielskahaspadarčaj vytvorčaści». Usio žyćcio pracavaŭ na budoŭli.
Viadoma, što Siarhiej Cichanaŭ byŭ fanatam mahiloŭskaha kłuba «Dniepr».
Sud nad Siarhiejem pačniecca 29 kastryčnika ŭ Mahiloŭskim haradskim sudzie. Jaho abvinavačvajuć pa troch artykułach — «zdrada dziaržavie» (č. 1 art. 356 KK), «udzieł u terarystyčnaj arhanizacyi» (č. 2 art. 290-5 KK) i «ŭdzieł u ekstremisckim farmiravańni» (č. 3 art. 361-1 KK).
Mahiloŭcu pahražaje ad dziesiaci da dvaccaci hadoŭ kałonii. Data zatrymańnia i sutnaść abvinavačańniaŭ nieviadomyja — u sacyjalnaj sietcy «Ukantakcie» jon byŭ anłajn prykładna paŭhoda tamu, a ŭ telehramie — «vielmi daŭno». Adznačym, što jahony telehram-akaŭnt pryviazany da jaho asabistaha biełaruskaha numara dy šukajecca pa im.
Sudzić jaho budzie staršynia Mahiloŭskaha haradskoha suda Ihar Proška.
«Naša Niva» — bastyjon biełaruščyny
PADTRYMAĆ
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary