U aŭtamabilnych kampanij, jakija pieravoziać pasažyraŭ na nierehularnaj asnovie, było try miesiacy na pieraafarmleńnie nieabchodnych dakumientaŭ.
U Biełarusi z 1 listapada pačaŭ dziejničać rejestr aŭtamabilnych pieravozak pasažyraŭ u nierehularnym złučeńni, piša «Sputnik».
Unieści źviestki pra transpartnyja srodki (aŭtobusy i aŭtamabili taksi), kiroŭcaŭ i dyśpietčaraŭ u adzinuju bazu danych pieravozčyki mahli na praciahu troch miesiacaŭ, pačynajučy z 1 žniŭnia.
Tyja, chto nie zdoleŭ heta zrabić da 1 listapada, aficyjna pracavać nie zmohuć. Uniasieńnie ŭ rejestr pieravozčykaŭ-«nierehularaŭ» budzie adbyvacca i paśla 1 listapada, adnak hetaja pracedura stanie ŭžo płatnaj.
Kampanii, jakija buduć pracavać nie pa praviłach (heta značyć biez uniasieńnia infarmacyi ŭ rejestr), ryzykujuć svaimi transpartnymi srodkami: u takim vypadku dziaržava maje prava kanfiskoŭvać aŭtobus abo lehkavy aŭtamabil. Akramia źjaŭleńnia rejestra dla «nierehularaŭ», ciapierašniaja reforma praduhledžvaje taksama abaviazkovuju najaŭnaść kamier videanazirańnia (rehistrataraŭ) u sałonie transpartnaha srodku — na vypadak kanfliktnych situacyj.
Ceny ŭ taksi nie pavysiacca?
Jak raniej paviedamili ŭ Mintransie, pavyšeńnia taryfaŭ u taksi z 1 listapada ŭ suviazi z farmiravańniem rejestra nie płanujecca. Tam nahadali, što pracu pa rehulavańni cen pravodzić MARH. Lubaja fakty, jakija ŭpłyvajuć na antymanapolnaje zakanadaŭstva i parušeńnie pravoŭ spažyŭcoŭ, buduć likvidavany.
Razam z tym, sami kiroŭcy i pasažyry ličać, što ceny ŭ bližejšy čas na pasłuhi buduć pavialičvacca.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary