Palitviaźnia Alaksandra Aranoviča buduć sudzić pa novaj kryminalnaj spravie. Ź im niama suviazi amal 5 miesiacaŭ
Fihurant «spravy Cichanoŭskaha» Alaksandr Aranovič znachodzicca ŭ źniavoleńni amal čatyry z pałovaj hady. Apošnija piać miesiacaŭ palitviaźnia ŭtrymlivajuć u režymie inkamunikada. U krasaviku 2021 hoda jaho asudzili da šaści hadoŭ kałonii pavodle dvuch kryminalnych artykułaŭ, piša «Viasna».
Paźniej Alaksandru ŭzmacnili pakarańnie i pieraviali ŭ mahiloŭskuju turmu. Užo 14 listapada ŭ sudzie Leninskaha rajona Mahilova pačnuć razhladać novuju kryminalnuju spravu suprać palitviaźnia — za «złosnaje niepadparadkavańnie administracyi turmy» (č. 2 art. 411).
Alaksandr — udzielnik kamandy «Kraina dla žyćcia», razam z kamandaj jeździŭ pa rehijonach Biełarusi na arendavanym aŭtadomie. Žyŭ u horadzie Staryja Darohi. Jeździŭ na zarobki ŭ Rasiju, da 2020 hoda pracavaŭ kiroŭcam.
Alaksandra zatrymali 29 traŭnia 2020 hoda. Jaho abvinavacili ŭ «arhanizacyi dziejańniaŭ, što hruba parušyli hramadski paradak» (art. 342 KK) i «padrychtoŭcy da ŭdziełu ŭ masavych biesparadkach» (p. 13 č. 2 art. 293 KK) za zachoŭvańnie na haryščy doma ŭ svaich baćkoŭ staroj dymavoj šaški. 27 krasavika 2021 hoda sud pryznačyŭ jamu šeść hadoŭ kałonii. Paźniej palitviaźniu zamianiali režym utrymańnia na turemny i pieraviali ŭ mahiloŭskuju turmu № 4.
Raniej «Kraina dla žyćcia» paviedamlała, što Alaksandra, vierahodna, źmiaščali ŭ ŠIZA za admovu padpisvać prašeńnie ab pamiłavańni. Pa apošniaj infarmacyi, z Alaksandram niama nijakaj suviazi ŭžo amal 5 miesiacaŭ.
Ciapier stała viadoma, što 14 listapada ŭ Mahilovie jaho buduć sudzić pavodle č. 2 art. 411 KK (złosnaje niepadparadkavańnie administracyi papraŭčaj ustanovy). Razhladać spravu budzie Viktoryja Palakova. Alaksandru mohuć dadać jašče dva hady źniavoleńnia.
-
«Atrymlivajem abryŭki infarmacyi, u nas niama suviazi». Siastra Maryi Kaleśnikavaj raskazała apošnija naviny pra jaje
-
Vatykan zaprasiŭ Śviatłanu Cichanoŭskuju na pachavańnie Papy Franciška
-
Ci moža Ihar Sierhiejenka, jaki znachodzicca ŭ sankcyjnym śpisie Jeŭrasajuza, trapić u Vatykan? Akazvajecca, lohka!
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary