Ułady zajavili pra płany asfaltavać usie darohi ad ahraharadkoŭ da rajcentraŭ
U Biełarusi płanujecca ŭ karotkija terminy zamianić žvirovaje pakryćcio na cemientabietonnaje i asfalt na darohach, jakija złučajuć rajcentry z ahraharadkami, paviedamiŭ vice-premjer Anatol Sivak na adkryćci paśla rekanstrukcyi 15-kiłamietrovaha ŭčastka trasy M3 Minsk — Viciebsk ad Łahojska da Pleščanic.
Anatol Sivak adznačyŭ, što ramont i rekanstrukcyja darožnaj infrastruktury ŭ krainie praciahniecca, u tym liku ŭ nievialikich nasielenych punktach. U 1,4 tys. ahraharadkach za karotki pramiežak času pavinny ŭsie vulicy pryvieści ŭ paradak, a taksama Łukašenka pastaviŭ zadaču:
«darohi, jakija znachodziacca ŭ hravijnym vykanańni, ad rajonnych centraŭ da ahraharadkoŭ — a heta 300 km — pavinny być ź ćviordym pakryćciom».
«Siońnia pierachodzim na inšy etap — pačynajem mianiać hravijnaje pakryćcio na pakryćcio ź bietonu, asfaltu. Hetyja 300 km chacieli b zrabić ź bietonu, ale abjektyŭna jość učastki, dzie nie možam parušyć zvykły žyćciovy rytm. Tam niama inšych padjezdaŭ, a budavać abjezdy vielmi doraha. Tamu budzie i bieton, i asfalt. Hetaja praca ŭ nastupnym hodzie pačniecca intensiŭna na hetych 300 km», — raskazaŭ Anatol Sivak.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary