Kultura66

U Vilejskim rajonie źbirali hrošy na restaŭracyju staradaŭniaj carkvy. U vyniku ź jaje prosta vykinuli ŭsio staroje

Histaryčnyja dźviery jak niepatrebnyja prosta addali majstru ŭ padziaku za jaho pracu ŭ carkvie.

Carkva ŭ Łatyhali ŭ žniŭni 2024 hoda. Fota: instahram

Źniščeńnie histaryčnaha pomnika zaŭvažyli ŭ telehram-kanale «Spadčyna».

U 2021 hodzie Śviata-Mikałajeŭskaja carkva ŭ vioscy Łatyhal adznačała svoj 250-hadovy jubilej. Budynak struchleŭ i patrabavaŭ kapitalnaha ramontu. U suviazi z hetym śviatar Andrej Hromaŭ abjaviŭ zbor srodkaŭ na ramontna-restaŭracyjnyja raboty.

Fotazdymak carkvy ź jašče baročnym ščytom, zrobleny kala 1900 hoda biełaruskim fatohrafam Janam Bałzunkievičam. Da niadaŭniaha ramontu zastavalisia tyja ž dźviery i akonnyja lištvy, što i na zdymku. Fota: Wikimedia Commons
Carkva ŭ Łatyhali da kapitalnaha ramontu. Fota: Wikimedia Commons

Jak śćviardžałasia, usia nieabchodnaja dakumientacyja dla praviadzieńnia ramontna-restaŭracyjnych rabot u prychoda ŭžo była, i ŭsie ŭzhadnieńni praviedzieny. 

Aktyvisty spadziavalisia, što ŭ čas rabot adnoviać baročny franton, jaki carkva mieła jašče ŭ pačatku XX stahodździa. Ale ŭ prychoda byli zusim inšyja płany. 

Kapitalny ramont chrama pačaŭsia ŭ lipieni 2023 hodzie. Z budynka była źniataja histaryčnaja šaloŭka, kab adramantavać zrub, zamianiŭšy sparachniełyja častki.

Staryja bakavyja i hałoŭnyja dźviery, jakija byli vykinuty z pomnika architektury ŭ čas ramontu. Fota: telehram-kanał «Spadčyna»

Ale niepatrebnymi śviataru akazalisia i staryja carkoŭnyja dźviery. Letaś ź Śviata-Mikałajeŭskaj carkvy vykinuli bakavyja dźviery. Dźviery byli ašalavany masiŭnymi doškami, pleški starych ćvikoŭ stvarali na ich prosty ŭzor, aŭtentyčnaj była i kavanaja ručka z klamkaj.

Novyja bakavyja dźviery, jakija nie majuć ničoha ahulnaha sa starymi. Fota: telehram-kanał «Spadčyna»

Zamiest ich źjavilisia całkam novyja dźviery, ababityja zvyčajnymi doškami, na zvyčajnych ćvikach i z sučasnaj ručkaj, mietał jakoj byŭ admysłova sastarany, ale jana nie maje ničoha ahulnaha z histaryčnaściu.

Ciapier stała viadoma, što z carkvy vykidajuć i staryja ŭvachodnyja dźviery, jakija nie mienš za stahodździe ŭpryhožvali jaje. Dźviery z rambičnaj šaloŭkaj dobra bačnyja na zdymku pačatku XX stahodździa. Dźviery prosta addali ludziam — pra heta aktyvisty vypadkova daviedalisia z sacsietak.

U instahramie raspaviali jak atrymali dźviary XVIII stahodździa z Łatyhalskaj carkvy za svaju dapamohu baciušku. Fota: telehram-kanał «Spadčyna»

U akaŭncie siamji, jakaja ŭdzielničała ŭ ramoncie ŭ carkvie, źjavilisia storyz, u jakim para pachvalilisia tym, što raptam stała ŭładalnikami carkoŭnych dźviarej XVIII stahodździa z Łatyhalskaj carkvy. Ich mužu padaryŭ baciuška za jahonuju pracu.

Aktyvisty aburylisia tym, što historyka-kulturnuju kaštoŭnaść respublikanskaha značeńnia ŭ Biełarusi možna prosta razdaryć ludziam. Jany spadziajucca, što pakolki viadomyja tyja, chto atrymaŭ niezvyčajny padarunak, uvachodnyja dźviery možna budzie viarnuć na histaryčnaje miesca. Los bakavych dźviarej nieviadomy.

Jak vyhladaje Łatyhalskaja carkva paśla ramontu. Vyhladaje byccam jana asabliva i nie źmianiłasia, ale djabał u detalach. Fota: telehram-kanał «Spadčyna»

Siońnia ramont na carkvie ŭžo zavieršany, jana pafarbavany ŭ novyja zialonyja kolery. Zamiest starych uvachodnych dźviarej stajać novyja, ašalavanyja vuzkimi doškami, vykinuty staryja akonnyja lištvy, za toje zamiest ich źjavilisia vydumanyja sandryki (frantončyki nad voknami), jakich nikoli nie było. Nikoli nie było i novaha naviesa, uźviedzienaha pierad carkvoj. 

«Naša Niva» — bastyjon biełaruščyny

PADTRYMAĆ

Kamientary6

  • Acab
    09.11.2024
    Aktyvisty aburylisia tym, što historyka-kulturnuju kaštoŭnaść respublikanskaha značeńnia ŭ Biełarusi možna prosta razdaryć ludziam.


    Hetyja aktyvisty niejkaje kazačnaje zło i niadola. Nu, nia tolki hetyja, ale ŭsie padobnyja zmahačy za kiravańnie čužym pad vyhladam apieki nad histaryčnaj spadčynaj.

    Nasamreč haspadar carkvy, śviatar, padaryŭ dziejnym parafijanam, jakija dapamahajuć, biaruć ŭdzieł ŭ žyćci carkvy.

    A sacyjalisty z kanału jašče i spadziajucca abrabavać viernikaŭ - viarnuć (sparachniełuju) bramu nazad.

    Vuścišna, kaniešnie.

    Ideja ž i mara kamsamolskaja ŭ tym, kam instytuizavacca ministerstvam ci viedamstvam tak zvanaje achovy histaryčnaje spadčyny (ci padobna abzavucca) i davać prymusovy arbitraž, da jakoho ludzi musiać źviartacca pierš nich niešta rabić sa svajoj nieruchomaj ŭłasnaściu.
    Sparalizujuć haspadarčuju dziejnaść i nasmokčucca karupcyjnych vypłataŭ za dazvoły takoha prymusovaha arbitražu.
    Zrešty, ŭ padłukašenak i samych jość viedamstva hetkaha arbitražu i kamsamolcaŭ z TH kanału Spadčyna ŭ jaho nie biaruć
  • Imia
    09.11.2024
    Źmieny ŭ budynkach z časam - norma žyćcia pa ŭsim śviecie. Pracujuć z tym što jość i z tymi srodkami što jość.
  • Parada
    10.11.2024
    Imia, idzi sarcir svoj za chlavom "źmianiaj z časam". Možaš navat dźviery kamuści padaravać, kali jany tam jość.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Madrydzie rasstralali byłoha daradcu Janukoviča

U Madrydzie rasstralali byłoha daradcu Janukoviča

Usie naviny →
Usie naviny

Jeŭrasajuz pryniaŭ 17-y pakiet sankcyi suprać Rasii. U śpisie i Minski zavod kołavych ciahačoŭ9

Minski restaran ź bieźlimitnaj ježaj adkryŭsia paśla pierapynku5

«My hanarymsia synam». Blizkija zahinułaha dobraachvotnika Alaksieja Aŭdzieja raskazvajuć pra jaho9

«Skazali, što ludzi ź vizami typu C nie zmohuć pierasiačy miažu». Na litoŭskich prapusknych punktach zdaryŭsia kałaps8

Łukašenka: Minski rajon — heta prybiralnia horada-hieroja Minska5

«Rodnieńki!» Redki čorny busieł usio ž taki viarnuŭsia na Kleččynu — spaźniŭsia na miesiac1

Piatruchin nie zdajecca: choča, kab KR zasłuchała 17-hadovaha «startapiera». Ale bieź jaho baćkoŭ hetaha rabić nielha18

Što apranać u samalot, a što — ni ŭ jakim razie: parady ściuardesy5

«Rak prosta zdarajecca. Nichto ŭ im nie vinavaty»23

bolš čytanych navin
bolš łajkanych navin

U Madrydzie rasstralali byłoha daradcu Janukoviča

U Madrydzie rasstralali byłoha daradcu Janukoviča

Hałoŭnaje
Usie naviny →

Zaŭvaha:

 

 

 

 

Zakryć Paviedamić