Stała viadoma, čamu rasijskija turysty masava jeduć u Biełaruś
Akazvajecca, šmat u čym reč u sankcyjach, praź jakija ŭ rasiejcaŭ paŭstaŭ svojeasablivy «deficyt Jeŭropy».
Prezident Uralskaj Asacyjacyi turyzmu Michaił Malcaŭ patłumačyŭ, čamu rasijskija turysty masava jeduć u Biełaruś.
Ź jahonych słoŭ, Biełaruś ciapier dla rasiejcaŭ — samy dastupny varyjant pahladzieć na Jeŭropu, piša ura.news.
«Biełaruś zaŭsiody źjaŭlałasia kirunkam papularnym, i asabliva aktualna jana stała ŭ apošnija hady, kali dla nas faktyčna zakrytyja krainy ES. A jość patreba ŭ Jeŭropie, jeŭrapiejskaj architektury, atmaśfiery», — raskazaŭ Malcaŭ.
Akramia jeŭrapiejskich vulic i zamkaŭ, ekśpiert nazvaŭ siarod plusaŭ adsutnaść moŭnaha barjera, kamfortny košt pajezdki, biaśpieku i dobraje staŭleńnie da turystaŭ. A ŭ navahodnija śviaty hości Biełarusi atrymlivajuć tuju samuju atmaśfieru, ź jakoj asacyjujecca śviata.
«U jakaści minusu možna nazvać niedachop miescaŭ dla raźmiaščeńnia. Heta značyć popyt nastolki adčuvalny i prykmietny, što na biahučy momant nie zaŭsiody atrymoŭvajecca miesca zabraniravać», — dadaŭ Malcaŭ.
Pa danych rasijskich turapierataraŭ, na Novy hod čakajecca surjozny prytok rasijskich turystaŭ u Biełarusi. Ich budzie značna bolš, čym letaś.
Na Novy hod u Biełarusi čakajecca jašče bolšy prytok rasijskich turystaŭ
Były ziać Šajhu prakaciŭsia ŭ płackarcie pa Biełarusi i źniaŭ rolik
«Usie razmaŭlajuć na ruskaj? Nie, nie i jašče raz nie». Rasijski žurnalist raskazaŭ pra svoj vodpusk u Biełarusi
«Hladzieli z dakoram, typu «čaho prypiorlisia», a ŭ kramie suvieniraŭ spytali, navošta my raźviazali vajnu». Rasijski turyst pra Biełaruś
Rasijanie raskupili ŭsie miescy ŭ biełaruskich sanatoryjach na Novy hod
Ciapier čytajuć
Ci atrymajecca va ŭładaŭ viarnuć dziaciej mihrantaŭ u biełaruskija škoły? Naŭrad ci, ale jany sprabujuć — prymusova13
Kamientary