Staršynia Chryścijanska-demakratyčnaha sajuza (CHDS) Frydrych Mierc zajaviŭ, što kali jaho abiaruć kancleram Hiermanii, to jon hatovy budzie pazvanić Uładzimiru Pucinu. Ale pry peŭnych umovach.
«Kali dla hetaha budzie nahoda i ŭ kole jeŭrapiejskich i transatłantyčnych partnioraŭ budzie dasiahnutaja zhoda, to, viadoma, tak», — adkazaŭ jon u intervju vydańniu Stern.
Pry hetym Mierc zajaviŭ, što nie treba mieć iluzij i varta pastaić ultymatum — kab Rasija spyniła nanosić udary pa abjektach va Ukrainie na praciahu 24 hadzin, inakš Hiermanija budzie hatova spačatku dazvolić bić niamieckaj zbrojaj uhłyb Rasii, a paśla navat moža pastavić kryłatyja rakiety Taurus.
Kijeŭ daŭno prosić pieradać rakiety Taurus, dalokaść palotu jakich składaje kala 500 km. Ale Hiermanija admaŭlała ŭ hetym, bačačy ŭ takim kroku ryzyku eskałacyi.
U Hiermanii niadaŭna raspałasia kiroŭnaja kaalicyja. 6 listapada kancler Ołaf Šolc adpraviŭ u adstaŭku ministra finansaŭ Kryścijana Lindnera (kiraŭnika Svabodnaj demakratyčnaj partyi). U pačatku studzienia Šolc źbirajecca zapytać votum davieru ŭ deputataŭ. Kali jany jamu admoviać u daviery, to Hiermaniju čakajuć rospusk parłamienta i daterminovyja vybary. U takim vypadku ŭ Mierca vialikija šancy stać kancleram.
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary