Śviet22

Ołaf Šolc zajaviŭ pra hatoŭnaść chutka pahavaryć z Pucinym

«Ja źbirajusia pahavaryć z rasijskim prezidentam, kali dla hetaha nadydzie adpaviedny čas», — zajaviŭ Ołaf Šolc, udakładniŭšy, što nie budzie rabić hetaha ŭ adzinočku.

Fota: Michael Sohn / AP

Kancler FRH Ołaf Šolc hatovy vieści pieramovy pa vajnie va Ukrainie z prezidentam RF Uładzimiram Pucinym, adnak nie ŭ indyvidualnym paradku, a z udziełam Ukrainy i inšych bakoŭ. Takoje zajavu zrabiŭ kiraŭnik hiermanskaha ŭrada ŭ niadzielu, piša Deutsche Welle.

Havoračy pra raźvićcio vajny va Ukrainie, Šolc adznačyŭ, što hatovy adnavić pieramovy z Pucinym «chutka».

«Tak, ja źbirajusia pahavaryć z rasijskim prezidentam, kali dla hetaha nadydzie adpaviedny čas», — zajaviŭ jon. — «Ale ja — adkazny palityk, ja nie budu rabić hetaha ŭ adzinočku».

Kancler FRH patłumačyŭ, što pierad pieramovami z prezidentam Rasii pa Ukrainie treba ŭstanavić šerah kantaktaŭ i pravieści pieramovy «ź vielmi mnohimi» inšymi bakami, u tym liku z Kijevam.

Na ŭdakładniajučaje pytańnie viadučaj, kali mienavita, na jaho dumku, nadydzie «adpaviedny čas» dla pieramoŭ z Uładzimiram Pucinym, Ołaf Šolc adkazaŭ: «Chutka».

Šolc: Nielha dapuścić eskałacyi vajny va Ukrainie

Razam z hetym jon padkreśliŭ nieabchodnaść pakłapacicca pra toje, kab «Ukraina mahła spadziavacca na nas i nie pavinna była bajacca, što jaje pakinuć adnu, a taksama — pra toje, kab adnačasova rabić usio, kab nie dapuścić eskałacyi hetaj vajny». «I, kaniešnie ž, treba pahladzieć, ci jość mahčymaść vyznačyć, ci pavinna hetaja vajna praciahvacca biaskonca ci možna znajści šlachi da jaje spynieńnia», — padsumavaŭ kancler.

Apošniaja telefonnaja razmova pamiž Šolcam i Pucinym adbyłasia ŭ śniežni 2022 hoda, kali kancler FRH zaklikaŭ rasijskaha prezidenta da vyvadu vojskaŭ RF z terytoryi Ukrainy i pošuku dypłamatyčnaha rašeńnia kanfliktu.

U červieni 2024 hoda Šolc daŭ zrazumieć, što adkryty da pieramoŭ z Pucinym u budučyni, adnak tolki ŭ tym vypadku, kali na ich buduć abmiarkoŭvacca kankretnyja pytańni. U siaredzinie kastryčnika Ołaf Šolc vykazaŭ hatoŭnaść vieści pieramovy z Uładzimiram Pucinym ab zaviaršeńni vajny «na spraviadlivych umovach».

Z boku Kramla ŭ pačatku kastryčnika zajavili, što Pucin adkryty da dyjałohu navat pry ŭmovie, što adnosiny pamiž Maskvoj i Bierlinam amal całkam źviedzieny da nula.

Kamientary2

  • Rokstar
    11.11.2024
    [Red. vydalena]
  • Papiarovy hieroj
    11.11.2024
    Śmiełaści i rašučaści poŭnyja štany :)))

Ciapier čytajuć

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi18

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi

Usie naviny →
Usie naviny

Tramp zaklikaŭ žycharoŭ Tehierana nieadkładna evakujavacca

U Kijevie paśla rasijskaha ŭdaru abrynuŭsia padjezd doma: 14 zahinułych6

Biełarusy staviać adnu zorku dziciačamu centru, jaki trapiŭ u skandał ź biełaruskaj movaj13

Nietańjachu vykazaŭsia adnosna mahčymaha zabojstva viarchoŭnaha lidara Irana5

Tramp zajaviŭ, što Pucin nie pačaŭ by vajnu, kab Rasiju nie vyklučyli z «Vialikaj vaśmiorki»12

U Viciebsku dvuchhadovy chłopčyk upaŭ ź dziasiataha paviercha

Palina z Salihorska nabrała 400 bałaŭ na ekzamienach. Voś kudy jana budzie pastupać8

U Kiraŭsku brat zabiŭ siastru, chočučy abaranić jaje ad mužčyn sa svaich halucynacyj

Na Zasłaŭskim zamku sprabujuć raskryć tajamnicu padziemnaha chodu2

bolš čytanych navin
bolš łajkanych navin

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi18

Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi

Hałoŭnaje
Usie naviny →

Zaŭvaha:

 

 

 

 

Zakryć Paviedamić