Pamiž uładami samaabvieščanaj respubliki Abchazija i apazicyjaj mohuć prajści pramyja pieramovy. Pra heta stała viadoma paśla sustrečy, jakaja prajšła ŭ budynku parłamienta. U naradzie pryniali ŭdzieł bolš za 20 deputataŭ, paviedamlaje «Echo Kavkaza».
Apazicyja prapanuje arhanizavać sustreču ź vice-prezidentam Badra Hunba. U apazicyi zhodnyja z tym, kab Hunba vykonvaŭ abaviazki prezidenta paśla adstaŭki Asłana Bžanija, adnak chočuć abmierkavać ź im šerah inšych pytańniaŭ. Raniej kansultacyi pamiž kamandaj abchazskaha prezidenta Asłana Bžanija i apazicyjaj prachodzili pry dapamozie pasiarednikaŭ.
Adzin ź lidaraŭ apazicyi, deputat Kan Kvarčy vykazaŭ nadzieju, što ŭsie pytańni buduć vyrašanyja ŭžo siońnia. U advarotnym vypadku, ź jahonych słoŭ, «usie mahčymaści buduć vyčarpanyja» i ŭ apazicyi zrobiać «niejkija vysnovy».
Siońnia ž u pres-słužbie abchazskaha lidara paviedamili, što Asłan Bžanija pravioŭ pasiadžeńnie Rady biaśpieki. Na sustrečy «abmiarkoŭvałasia situacyja i miery pa jaje stabilizacyi Bžanija daŭ kankretnyja daručeńni siabram Rady biaśpieki, jakija tyčacca praduchileńnia supraćpraŭnych dziejańniaŭ», — havorycca ŭ paviedamleńni.
Pasiadžeńnie, jak miarkujecca, prajšło ŭ vioscy Tamyš za 40 kiłamietraŭ ad Suchuma, dzie Bžanija znachodzicca paśla 15 listapada.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary