Łukašenka choča, kab kiraŭniki rajvykankamaŭ pryznačali i dyrektaraŭ pryvatnych struktur
Na pasiadžeńni prezidyuma UNS Alaksandr Łukašenka padniaŭ pytańnie paŭnamoctvaŭ kiraŭnikoŭ rajonaŭ i vysunuŭ niečakanuju prapanovu.
Łukašenka niepakoicca, što ŭ krainie niama dakumienta, jaki vyrazna apisvaje paŭnamoctvy kiraŭnikoŭ rajvykankamaŭ. Na dumku Łukašenki, ad taho, jak pracujuć kiraŭniki rajonaŭ, zaležyć, jak žyvie kraina. Jon prapanavaŭ pieradać kiraŭnikam rajvykankamaŭ bolš paŭnamoctvaŭ, u tym liku niečakanych.
Łukašenka choča, kab čynoŭniki pryznačali kiraŭnikoŭ pryvatnych pradpryjemstvaŭ, jakija nie naležać dziaržavie.
«Nam patrebny vyčarpalny dakumient. U staršyni rajvykankama jon pavinien jak nastolnaja knižka lažać. Staršynia jość staršynia. Jon pavinien zajmacca ŭsim.
Ničoha strašnaha, kali jon u niejkim sensie budzie pryznačać, śćviardžać, uzhadniać kiraŭnikoŭ pryvatnych struktur. Tady i ŭpłyŭ budzie ŭ ich na heta», — zajaviŭ Łukašenka.
Pry hetym jon udakładniŭ, što paŭnamoctvy pavinny adnosicca da ŭsiaho vykankama. Staršynia pavinien unosić prapanovy, a vykankam ich zaćviardžać.
Ciapier čytajuć
Babaryka: Kali b my pieramahli — vajny va Ukrainie nie było b23
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»77
Kamientary