U Osła achoŭnika pasolstva ZŠA aryštavali pa padazreńni ŭ špijanažy na karyść Rasii i Irana
Padazravany, jakomu krychu bolš za 20 hadoŭ, byŭ zatrymany ŭ sieradu.
Chłopiec, jaki pracavaŭ u pasolstvie ZŠA ŭ Narviehii, byŭ aryštavany pa padazreńni ŭ špijanažy na karyść Rasii i Irana, paviedamiŭ u čaćvier aficyjny pradstaŭnik słužba biaśpieki Narviehii, piša Reuters.com.
Mužčyna, hramadzianin Narviehii va ŭzroście kala 20 hadoŭ, byŭ aryštavany doma ŭ sieradu. U čaćvier sud vyrašyŭ, što jaho možna trymać pad vartaj čatyry tydni.
Chłopiec supracoŭničaje i daje pakazańni, u jaho kanfiskavany «vialiki» abjom ličbavaj infarmacyi, skazali ŭ palicyi.
Advakat abvinavačanaha, Džon Kryścijan Elden, paviedamiŭ, što jaho klijent mieŭ kantakty z pradstaŭnikami raźviedak Rasii i Irana.
«Jon tłumačyŭ svaje kantakty z ahientami raźviedki Rasii i Irana, ale pakul nie zrazumieła, ci mieŭ jon sakretnuju infarmacyju, jakaja b padpadała pad zakony ab supraćšpijonskaj dziejnaści», — skazaŭ Elde Reuters. «Dalejšaje rasśledavańnie pakaža, ci vinavaty jon u złačynstvie, ci nie».
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary