Aŭto1111

Pieratvoracca ŭ «cehłu»? Adzin z kitajskich vytvorcaŭ paabiacaŭ z 30 listapada zabłakavać «šeryja» aŭto ŭ Biełarusi

Aŭtamabili kitajskaha brenda Avatr, uviezienyja ŭ Biełaruś pa «šerych» schiemach, z 30 listapada mohuć być zabłakavanyja. Na taki radykalny krok vytvorca vyrašyŭ pajści, kab spynić nieaficyjnyja pastaŭki svaich aŭto ŭ inšyja krainy, paviedamili ŭ kampanii «Aŭtavielt», jakaja źjaŭlajecca aficyjnym dystrybutaram Avatr u Biełarusi, piša Telegraf.news.

Jak rastłumačyli ŭ «Aŭtavielcie», pa sutnaści, usie aŭtamabili Avatr, uviezienyja ŭ krainu nie praz aficyjnych dyleraŭ, paśla adklučeńnia ŭsich sietkavych funkcyj pieratvoracca ŭ «cehłu».

Havorka idzie hałoŭnym čynam pra tyja aŭto, jakija vypuskalisia dla kitajskaha rynku, ale niejkim čynam abyšli zabaronu na ekspart i «vyciekli» z Kitaja.

Sama zabarona na ekspart Avatr, pryznačanych dla kitajskaha rynku, dziejničaje nie pieršy miesiac — jašče ŭ vieraśni 2024 hoda dylery atrymali adpaviednaje tłumačeńnie. Za parušeńnie zabarony sankcyjami pahražali jak pradaŭcam, tak i samim uładalnikam aŭto. Pieršyja za prodaž takich aŭto mahli pazbavicca statusu aficyjnaha dylera, druhija — zastacca biez servisnaha absłuhoŭvańnia i mašyny, jakaja narmalna funkcyjanuje.

Jak rastłumačyli ŭ ofisie biełaruskaha dylera, u vypadku błakavańnia ni ŭładalniki aŭto, ni dystrybjutar, jaki parušyŭ praviły, sami nie zmohuć razbłakavać mašynu. Naŭrad ci heta atrymajecca i ŭ «haražnych umielcaŭ», vykazali aściarohi ŭ kampanii.

«U Avatr vykarystoŭvajuć prasunutyja sistemy šyfravańnia danych, jakija vyklučajuć niesankcyjanavany dostup da funkcyj mašyny. Zychodziačy z hetaha možna zrabić vysnovu, što ekanomija na kupli aŭtamabila ŭ nieaficyjnaha pastaŭščyka moža abiarnucca značnymi vydatkami, jakija pieravyšajuć mierkavanuju ekanomiju ŭ dziasiatki razoŭ», — adznačyli ŭ «Aŭtavielcie».

Vytvorca patłumačyŭ svaje abmiežavańni žadańniem «dać vysakajakasnuju pradukcyju i paślaprodažnaje absłuhoŭvańnie «klijentam pa ŭsim śviecie i imknieńniem «padtrymlivać imidž brenda Avatr».

U kampanii «Aŭtavielt» rastłumačyli, što ichnich aŭtamabilaŭ zabarona nie zakranie. Sami mašyny tolki ŭ najbližejšyja miesiacy pačnuć pastupać u Biełaruś.

«My źviarnulisia da Avatr Technology pa paćviardžeńnie infarmacyi. Sapraŭdy, hetaje paviedamleńnie było vysłana dyleram u Kitai i ŭstupiła ŭ siłu z 1 kastryčnika. Adkaznaść za zabłakavanyja aŭtamabili niasuć kampanii, jakija parušyli zabaronu i pradali na ekspart aŭtamabili, pryznačanyja dla ekspłuatacyi ŭ Kitai», — zajavili ŭ ofisie biełaruskaha dylera.

Kamientary11

  • Papuas
    26.11.2024
    Chachacha, chataskrajniki papaduć z kitajskim chłamam na jaki pierasadziu ich ich łukavy carok))))
  • STO
    26.11.2024
    Pusť sami i katajutsia na etich "avtomobilach" eti horie-"proizvoditieli".
  • disc
    26.11.2024
    Čakaju univiersalnuju prašyŭku dla ŭsich madelaŭ :)))

Ciapier čytajuć

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA32

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA

Usie naviny →
Usie naviny

Pjany vaśmikłaśnik u Homieli ŭ handlovym centry biŭ nahami supracoŭnikaŭ milicyi12

Aŭtamabil pad Minskam sutyknuŭsia adrazu z tryma łasiami1

Ad zaŭtra znoŭ pačnie chaładać2

Kala Śbier banka ŭ Minsku adkryvajuć pomnik kačcy

Na kanfierencyi Reshape 2025 aburylisia «tysiačami kanfierencyj», abvinavacili Cichanoŭskuju ŭ dyktatury i acanili vyniki 5 hadoŭ u emihracyi28

«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»18

Žančyna złaviła na Prypiaci hihanckaha taŭstałobika. Jaho vaha — kala 60 kh3

Dziaŭčyncy z Polščy, achviaravać hrošy jakoj zaklikaŭ biełarus, sabrali patrebnuju sumu1

Piać faktaŭ pra novaha pres-sakratara MZS, jaki chamavataściu kosić pad Maryju Zacharavu10

bolš čytanych navin
bolš łajkanych navin

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA32

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA

Hałoŭnaje
Usie naviny →

Zaŭvaha:

 

 

 

 

Zakryć Paviedamić