Na biełaruski rynak moža zajści kitajski servis zakazu taksi DiDi. Pra heta partału abw.by raskazała kiraŭnica Asacyjacyi prafiesijnych pieravozčykaŭ pasažyraŭ Kaciaryna Stankievič.
Z 1 listapada ŭ Biełarusi zapracuje rejestr aŭtamabilnych pieravozak. Pracavać u śfiery nierehularnych pasažyrskich pieravozak zmohuć tolki tyja, chto jość u rejestry. Pry hetym padać dakumienty na ŭklučeńnie možna budzie i paśla 1 listapada.
Pa słovach Kaciaryny Stankievič, mahčyma, što ŭ pačatku listapada ŭ krainie źjavicca zamiežnaja jurydyčnaja kampanija, jakaja budzie pracavać sumiesna ź biełarusami. Jaje meta — panazirać, jak budzie raźvivacca situacyja z rejestram u listapadzie i jak siabie prajavić dziaržava.
«Heta značyć, jany zachodziać sa svaimi mašynami, ale pracavać usio budzie na biełaruskim PZ. […] I kali ŭsio budzie dobra, to ŭžo ŭ nastupnym hodzie ŭ nas źjavicca hodnaja alternatyva «Jandeksu». Pryčym jana budzie hodnaj nie tolki dla spažyŭcoŭ, ale i dla pieravozčykaŭ dy kiroŭcaŭ».
Kampanija DiDi Chuxing źjaviłasia na rynku ŭ 2012 hodzie ŭ Piekinie. Akramia ŭsiaho inšaha, kampanija raźvivaje ahrehatar taksi, servis karšerynhu i h. d. Inviestarami prajekta stali kampanii Alibaba, Tencent i Baidu. Servis papularny ŭ Azijacka-Cichaakijanskim rehijonie, Łacinskaj Amierycy i na inšych rynkach.
U 2021 hodzie kampanija vyvučała rynak Biełarusi. U krasaviku pasoł Biełarusi ŭ Kitai Juryj Siańko sustrakaŭsia ź vice-prezidentam kitajskaha ahrehatara Čeń Nanam. Tady jon raskazvaŭ, što hrupa DiDi źbirajecca vyvučyć biełaruski rynak i prapracavać mahčymyja prajekty, i navat płanuje svoj vizit u Biełaruś z hetaj metaj. Adnak bolš nijakaj infarmacyi z nahody vizitu i mahčymych prajektaŭ nie było.
U žniŭni 2020 hoda servis DiDi zapracavaŭ u Rasii. Praŭda, praciahvałasia heta niadoŭha: u 2022 hodzie kitajskaja kampanija pajšła z rasijskaha rynku. Tady ž jana pakinuła i rynak Kazachstana.
Ciapier čytajuć
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika10
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary