Śviet1313

Prezidentka Hruzii abviaściła parłamient nielehitymnym i admaŭlajecca iści ŭ adstaŭku

Prezidentka Hruzii Sałamie Zurabišvili admoviłasia iści u adstaŭku, abviaściŭšy novaabrany parłamient nielehitymnym. Jana paviedamiła, što na svajoj pasadzie budzie čakać novych vybaraŭ pad mižnarodnym kantrolem.

Sałamie Zurabišvili na mitynhu suprać falsifikacyi parłamienckich vybaraŭ. Fota: Davit Kachkachishvili/Anadolu via Getty Images

«Ja chaču skazać hramadskaści, što i tut, z prezidentam, jaki źjaŭlajecca adzinym niezaležnym, lehitymnym instytutam, isnuje nacyjanalny kansensus. Zaŭtra hramadstva i palityčnyja partyi sustrenucca sa mnoj. Razam my kirujem palityčnym pracesam, jakim kirujecie vy zvonku, na vulicy i ŭ roznych śfierach hramadstva…

Ja budu na čale palityčnaha pracesu, zastajučysia vašym prezidentam. Lehitymnaha parłamienta niama, tamu nielehitymny parłamient nie moža abrać novaha prezidenta, tamu nie moža być inaŭhuracyi. Moj mandat dziejničaje da taho času, pakul nie budzie zakonna abrany parłamient, jaki zakonna abiare kahości zamiest mianie. Ja z vami i budu z vami», — zajaviła Sałamie Zurabišvili.

Raniej kiroŭnaja partyja «Hruzinskaja mara» abviaściła, što vybary prezidenta Hruzii projduć 14 śniežnia, a inaŭhuracyja — 29 śniežnia biahučaha hoda. Śpikier parłamienta Šałva Papuašvili kazaŭ, što šaścihadovy termin dziejnaj prezidentki Sałamie Zurabišvili zakančvajecca 16 śniežnia. «Hruzinskaja mara» płanuje abrać prezidentam svajho prychilnika, byłoha viadomaha futbalista Michaiła Kaviełašvili.

Prezident u Hruzii vykonvaje ŭ asnoŭnym pradstaŭničyja funkcyi. Z 2012 hoda kraina źjaŭlajecca parłamienckaj respublikaj, i z taho času bolšaść u im maje partyja aliharcha Bidziny Ivanišvili «Hruzinskaja mara». Pakidaje kantrol nad parłamientam jana i pa vynikach praviedzienych 26 kastryčnika apošnich vybaraŭ, jakija apazicyja nie pryznaje, śćviardžajučy pra maštabnyja falsifikacyi. Admoviłasia pryznać vyniki vybaraŭ i padtrymała pratesty taksama Sałamie Zurabišvili.

Dadatkova padliło aleju na ahoń toje, što 28 listapada premjer-ministr Hruzii Iraklij Kabachidze abviaściŭ, što ŭłady krainy vyrašyli da kanca 2028 hoda nie pačynać pieramovy ab ustupleńni krainy ŭ Jeŭrasajuz i admovilisia ad lubych jeŭrapiejskich biudžetnych hrantaŭ. Paśla hetaha la budynka parłamienta na praśpiekcie Rustavieli ŭ Tbilisi pačaŭsia stychijny mitynh, pratesty praciahnulisia i ŭ nastupnyja dni. Palicyja žorstka ich razhaniaje, siarod sotniaŭ zatrymanych jość taksama biełarus Jaŭhien Muravicki.

Kamientary13

  • Botam
    30.11.2024
    Prarasijski aliharch u Hruzii pajšoŭ pa šlachu Łukašenki. Pryblizna 1995-1996, pačatak. Vybary sfalsifikavaŭ, anałah pałatki zaraz, Zurabišvili, jak zakona abrany prezident, zastaniecca de-jure na pasadzie i va ŭsim cyvilizavanym śviecie budzie pryznana. Paśla zrynańnia dyktatatury jana da novych vybaraŭ budzie zakonaj uładaj.
  • Namenklaturnyja Svarki
    30.11.2024
    Pakul pany hryzucca, mieniej rabujuć pryhonnych
  • Botam
    30.11.2024
    Namenklaturnyja Svarki, acab, paprasi, kab tabie mietadyčku abnavili, tvajoj užo hadoŭ 100, a tvoj styl paznajecca pad lubym nikam.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

17-hadovy matacyklist i jaho siabar zahinuli ŭ avaryi pad Smalavičami

17-hadovy matacyklist i jaho siabar zahinuli ŭ avaryi pad Smalavičami

Usie naviny →
Usie naviny

Tramp apublikavaŭ zhienieravanaje FOTA siabie ŭ roli Papy14

Doktar Martaŭ raskazaŭ, za što siabie nienavidzieŭ na pracy10

«Bajsoł» majoj evakuacyjaj nie zajmaŭsia». Dva palitviaźni vykazali pretenzii Stryžaku, toj adkazaŭ8

Stała viadoma, kudy ŭładkavaŭsia kiraŭnik Kalinkavič, jaki ŭ 2022 hodzie sustrakaŭ rasijskich vajskoŭcaŭ z chlebam-sollu1

Byłaja biełaruskaja žurnalistka Sudlankova, jakuju ŭ Čechii abvinavacili ŭ pracy na rasijskuju raźviedku, vyjechała ŭ Maskvu4

Šmatdzietnaja siamja raspaviała, što tracić na ježu 700-800 rubloŭ štomiesiac. Ludzi ŭ šoku, što im chapaje19

U Mastach ź fiejervierkam adkryli padviesny most cieraź Nioman 1

Zorka Pornhub pryniała isłam12

Uźbiekistan vyjšaŭ na śled tysiačy hramadzian krainy, jakija mahli padpisać kantrakt na słužbu ŭ rasijskaj armii

bolš čytanych navin
bolš łajkanych navin

17-hadovy matacyklist i jaho siabar zahinuli ŭ avaryi pad Smalavičami

17-hadovy matacyklist i jaho siabar zahinuli ŭ avaryi pad Smalavičami

Hałoŭnaje
Usie naviny →

Zaŭvaha:

 

 

 

 

Zakryć Paviedamić