U Hruzii ŭspychnuli pratesty paśla zajavy ŭrada pra admovu ad jeŭraintehracyi
Nieŭzabavie paśla taho, jak premjer-ministr Hruzii Iraklij Kabachidze zajaviŭ, što kraina adkładaje pieramovy ab ustupleńni ŭ ES da 2028 hoda, adrazu ŭ niekalkich bujnych hruzinskich haradach uspychnuli stychijnyja akcyi pratestu. Akcyi prachodziać u Tbilisi, Kutaisi i Batumi.
U Tbilisi žychary Hruzii, aburanyja słovami Kabachidze, sabralisia adrazu ŭ niekalkich miescach, u tym liku la centralnaha ofisa kirujučaj partyi «Hruzinskaja mara» i parłamienta krainy. U demanstracyjach biaruć udzieł, pa roznych acenkach, ad 10 da 20 tysiač čałaviek.
Na adnoj z vulic hruzinskaj stalicy adbyłasia sutyčka z palicyjaj, udzielniki pratestu kidali ŭ siłavikoŭ jajki i dymavyja šaški. Palicyja ŭžyła ślozatačyvy haz.
Da budynka parłamienta prybyŭ śpiecnaz z vadamiotami.
Prezidentka Hruzii Sałamie Zurabišvili dałučyłasia da pratestu la parłamienta. Jana ŭstała pamiž pratestoŭcami i śpiecnazam i pačała razmaŭlać ź siłavikami.
«Vy słužycie Rasii ci Hruzii? Kamu ty davaŭ klatvu? Mianie cikavić adkaz. Vy nie adkazvajecie prezidentu? Ty nie dumaješ pra budučyniu? Ni krainy, ni dziaciej?», — cytuje Zurabišvili Paper Kartuli.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Jeść ža prykład Janukoviča, jak admova ad Eŭraintehracyi pryvodzić da straty ŭłady. Supraca z maskavitami adrazu -50 adzinak IQ.