Palicyja zaviaršyła razhon pratestnaj akcyi na praśpiekcie Rustavieli ŭ Tbilisi. Jon doŭžyŭsia amal siem hadzin, piša Newsgeorgia.ge.
Da ranicy siłaviki adcisnuli demanstrantaŭ da stancyi mietro «Rustavieli», uziaŭšy ich u ačapleńnie. Adnačasova adbyvalisia masavyja zatrymańni.
ŚMI paviedamlajuć pra mnostva paciarpiełych. Miarkujučy pa ŭsim, lik idzie na dziasiatki. Niekatoryja ŭdzielniki mitynhu atrymali surjoznyja traŭmy, da mašyn chutkaj dapamohi ich davodziłasia nieści na nasiłkach. Kadry źbićcia zafiksavali kamiery.
U hetyja chviliny na Rustavieli pracujuć kamunalnyja słužby. Jany raźbirajuć reštki barykad, jakija demanstranty zbudavali z łavak, śmiećcievych bakaŭ, prakatnych samakataŭ i inšych pradmietaŭ.
Adtul jany pieryjadyčna stralali ŭ bok palicyi fiejervierkami. U adkaz z kardona lacieli kapsuły sa ślozatačyvym hazam.
Situacyja na Rustavieli asabliva napaliłasia bližej da 3 hadzin nočy. Asacyjacyja maładych jurystaŭ Hruzii (AMIUH) raspaŭsiudziła zajavu, u jakoj adznačałasia, što palicyja adnačasova prymianiaje adrazu niekalki vidaŭ śpiecsrodkaŭ — vadamioty, piarcovy sprej i peŭnyja kapsuły. U AMIUH pakazali, što zvyčajna takaja praktyka zabaronienaja, adnak MUS źniało abmiežavańnie «z metaj spraścić praktyku razhonu».
U NDA taksama vykazali zdahadku, što pierad śpiecnazam pastavili zadaču fizična raspraŭlacca z pratestoŭcami praź ich hramadzianskuju pazicyju.
Demanstranty chavalisia ad palicyi ŭ carkvie Kašvieci, kruhłasutačnych aptekach i supiermarkietach, u viestybiuli mietro.
MUS Hruzii paviedamiła pra zatrymańnie 107 čałaviek. Palicyja śćviardžaje, što «ŭ vyniku hvałtoŭnych dziejańniaŭ pratestoŭcaŭ paciarpieli 10 supracoŭnikaŭ MUS», u lakarni zastajecca adzin ź siłavikoŭ (z apiokami).
Kolkaść paciarpiełych pratestoŭcaŭ MUS nie paviedamlaje. Usiaho za dvoje sutak byli zatrymanyja kala 150 udzielnikaŭ pratestaŭ.
Maštabnyja pratesty ŭspychnuli ŭ Hruzii ŭviečary 28 listapada, paśla zajavy premjera Iraklija Kabachidze. Jon abviaściŭ pra źniaćcie z paradku dnia da 2028 hoda pytańnia adkryćcia pieramoŭ ab ustupleńni krainy ŭ EC i admovie ad usich biudžetnych hrantaŭ ES.
Ludzi vychodziać na mitynhi ŭ Tbilisi i inšych haradach bieź lidaraŭ i śpikieraŭ.
-
Paramount, uznačaleny blizkim da Trampa miljarderam, ustupiŭ u baraćbu z Netflix za Warner Bros
-
Mjanma vyjšła ŭ suśvietnyja lidary pa vytvorčaści mietamfietaminu i opiumu
-
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju
Ciapier čytajuć
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami5
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2222
Kamientary