Mierkavańni66

Frydman: Paśla vajny cisk Maskvy na Łukašenku pavialičycca

Analityk Alaksandr Frydman parazvažaŭ nakont taho, ci budzie Łukašenka ŭdzielničać u mirnych pieramovach pa Ukrainie i jak zakančeńnie vajny paŭpłyvaje na Biełaruś.

Alaksandr Łukašenka i Uładzimir Pucin. 23 kastryčnika 2024 hoda. Fota: Maxim Shipenkov Pool Photo via AP

«Naša Niva» pacikaviłasia ŭ analityka Alaksandra Frydmana, ci pojdzie Ukraina na terytaryjalnyja sastupki na budučych mirnych pieramovach i jak spynieńnie vajny paŭpłyvaje na Biełaruś i pazicyju Łukašenki.

Alaksandr Frydman: Dumaju, što jurydyčnych sastupak nie budzie. Ciažka ŭjavić, što ŭkraincy pryznajuć, što Krym i terytoryi Zaparožskaj, Chiersonskaj, Danieckaj, Łuhanskaj abłaściej byli abvieščanyja častkaj Rasii. Hetaha jurydyčnaha pryznańnia nie budzie ni z boku Ukrainy, ni z boku Zachadu.

Z majho punktu hledžańnia, maksimum, jaki mahčymy na hetych pieramovach — heta spynieńnie bajavych dziejańniaŭ.

Zaraz možna spynić vajnu i imknucca vyrašać astatnija pytańni niejkim mirnym šlacham. A heta moža ciahnucca vielmi doŭha. A kab [na pieramovach] znajšlisia adkazy na ŭsie pytańni, i ŭ nas byŭ niejki novy suśvietny paradak (nazaviom heta tak)… — mnie heta ciažka ŭjavić u siońniašnich umovach.

Adpaviedna, dla Łukašenki jaho mary pra ŭdzieł u pieramovach, chutčej za ŭsio, nie ździejśniacca.

Jaho šaniec [na ŭdzieł] u tym, kali budzie abmiarkoŭvacca paślavajenny ład u Jeŭropie, kali vyśvietlenyja hałoŭnyja pytańni, kali źniatyja pytańni miežaŭ. A hetyja pytańni źniatyja nie buduć. 

Prablema Łukašenki zaklučajecca ŭ tym, što, z adnaho boku, jon pryzvyčaiŭsia da hetaj vajny. Biełaruskaja ekanomika — heta častka rasijskaj vajennaj ekanomiki. I niadrenna isnuje ŭ hetych umovach. Situacyja, prynamsi, nie horšaje, a navat lepšaje.

Z druhoha boku, jamu pakul udałosia dasiahnuć toj situacyi, u jakoj na terytoryi Biełarusi niama bajavych dziejańniaŭ. Biełaruskaja armija nie ŭdzielničaje ŭ vajnie. To-bok, situacyja dla jaho nie drennaja. Ale jość vielizarnaja ryzyka vajny. I hetaja vajna moža pierakinucca na Biełaruś u kožny momant. Łukašenka pra heta viedaje.

Kali ŭsio ž taki bajavyja dziejańni spyniacca, to pahroza vajny dla Biełarusi značna źnizicca. I heta dobra dla Łukašenki. Ale značeńnie Biełarusi dla Rasii nie pavysicca, chutčej panizicca.

Ciapier Biełaruś važnaja dla Rasii. Heta adziny sajuźnik, heta častka rasijskaha vajenna-pramysłovaha kompleksu. Heta psichałahična, ekanamična, hieapalityčna važna.

Kali vajny ŭžo bolš nie budzie, dyk važnaść Biełarusi i hatoŭnaść z boku Rasii ciarpieć Łukašenku, jahonuju samastojnaść i vybryki, moža źnizicca. To-bok cisk na Łukašenku paśla taho, jak skončycca vajna, pavialičycca. I heta budzie niepryjemnaja situacyja i dla jaho, i dla Biełarusi.

Kamientary6

  • babrujčanin
    05.12.2024
    Pakul vidavočna na Siryju Hruziju u rf ni chapaje srodkaŭ .
    Z 14 pa 24 lutaha 2022 ułada u Minsku dazvalała siabie bolš samastojnaści a na tot čas jašče isnavał mit " ab niepieramožnaj lehiendarnaj" .Isnuje šmat nieviadomych zaraz heta srodki upłyva ZŠA pavodziny Kijeva Briuśsiela Maskva ..
    Pakul ničoha ni adbyłasia Viartańnia " uzad" ni atrymajecca i u hetym " śviecie" niavyznačanaści pryjdziecca žyć
  • Niejki siur
    05.12.2024
    Dy dzie ž vy takich ekśpiertaŭ biarecie? Što ŭ ZŠA, što ŭ Jeŭropie...
  • Lejcar korkavy
    05.12.2024
    Kazała-mazała. Niama ŭ łukašenki anijakaj samastojnaści. Apošniaje pasiadžeńnie ADKB uspomnicie, jak toj durań ab arešniku lapaŭ.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

BNTU: Vykładčyk, jaki ŭciakaŭ ad milicyi, pamior ad sardečnaha prystupu6

BNTU: Vykładčyk, jaki ŭciakaŭ ad milicyi, pamior ad sardečnaha prystupu

Usie naviny →
Usie naviny

Žurnalisty atrymali dostup da sakretnych płanaŭ rasijskich jadziernych vajskovych baz3

Tramp prapanavaŭ Kanadzie dostup da abarony pad «Załatym kupałam». Pry adnoj umovie5

Hrošy dla byłoha palitviaźnia Andreja Čapiuka sabrali mienš čym za paŭsutak

U Hiermanii admianiajuć niadaŭna ŭviedzienuju mahčymaść «ekspres-naturalizacyi»

«Muž byŭ suprać taho, kab Anžalika sustrakałasia ź dziećmi ź inšym mužčynam». Aŭtar rasśledavańnia pra Mielnikavu padzialiŭsia niekatorymi detalami6

Mierc paabiacaŭ dapamahčy Ukrainie z raspracoŭkaj ułasnaj dalnabojnaj zbroi1

«Vinny 500 rubloŭ». Biełarus vyrašyŭ zachoŭvać źbieražeńni ŭ jeŭra, ale trapiŭ u nievidavočnuju pastku1

Fatohraf-ahient Miščuk raskazaŭ svaju viersiju taho, što adbyłosia12

U Minsku zdajecca pasutačna kvatera, u jakoj niama dźviarej u prybiralniu. Z kanapy adkryvajecca vid i na televizar, i na ŭnitaz

bolš čytanych navin
bolš łajkanych navin

BNTU: Vykładčyk, jaki ŭciakaŭ ad milicyi, pamior ad sardečnaha prystupu6

BNTU: Vykładčyk, jaki ŭciakaŭ ad milicyi, pamior ad sardečnaha prystupu

Hałoŭnaje
Usie naviny →

Zaŭvaha:

 

 

 

 

Zakryć Paviedamić