Junakoŭ z akupavanych terytoryj Ukrainy ŭpieršyniu pryzvali ŭ armiju Rasii
Maładych ludziej z akupavanych častak Zaparožskaj, Chiersonskaj, Danieckaj i Łuhanskaj abłaściej Ukrainy ŭpieršyniu adpravili na terminovuju słužbu va Uzbrojenyja siły Rasii. Razam ź imi ŭ novy pryzyŭ adpravilisia junaki z anieksavanaha ŭ 2014 hodzie Kryma, pišuć Važnyja historyi.
Pra heta paviedamili kiraŭniki akupacyjnych administracyj Zaparožskaj i Chiersonskaj abłaściej Jaŭhien Balicki i Uładzimir Salda, a taksama «Iźviestija» i RIA Naviny.
Cyrymonii adpraŭki ŭ vojski adbylisia ŭ Batajsku Rastoŭskaj vobłaści i ŭ Simfieropali.
Čynoŭniki i dziaržSMI śćviardžajuć, što pryzyŭnikoŭ z akupavanych terytoryj nie buduć adpraŭlać u zonu bajavych dziejańniaŭ, a pakinuć słužyć u častcy Paŭdniovaj vajskovaj akruhi, uklučajučy Kaŭkaz i anieksavany Krym. Raniej akupacyjny kiraŭnik častki Zaparožskaj vobłaści Balicki abiacaŭ, što žycharoŭ rehijonu nie buduć mabilizoŭvać u armiju RF piać hadoŭ z momantu anieksii rehijonu.
Z pačatkam poŭnamaštabnaj vajny ŭ 2022 hodzie žycharoŭ «ŁDNR» hvałtoŭna zabirali ŭ padraździaleńni tak zvanaj narodnaj milicyi niepryznanych respublik. Tady bajcy biez ryštunku i padrychtoŭki panieśli kałasalnyja straty ŭ bajach z armijaj Ukrainy. Nieŭzabavie z «narodnych milicyj» pačali demabilizoŭvać studentaŭ. Z vosieni 2022 hoda padraździaleńni «ŁDNR» intehravali ŭ armiju Rasii.
Čaho čakaje Polšča ad Minska i ci zakryje znoŭ miažu na hetym tydni?26
Kamientary
Heta sapraŭdy śmiešna! Kudy jašče nia buduć adpraŭlać? Batalon Bars - heta tolki dla čynoŭnikaŭ, kab tyja za paru miesiacaŭ kamfortnaha znachodžańnia u 3-4 ešełonie mahli atrymać status udzielnikaŭ "SVA" i viernucca na svaje pasady albo padvyšeńnie z usiśmi adpaviednymi pryvilejami. A chałopaŭ tolki ŭ šturmy, na miasa! Z mužčynskim nasielnictvam "ŁDNR" u lutym 2022 nichto nie cyrymoniŭsia. Heta adkaz usim, chto dahetul nie razumieje, navošta treba imknucca da taho, kab razmaŭlać pa biełarusku.