Kryminalnaja sprava suprać rasijskaha palitołaha Andreja Suzdalcava zaviedziena pavodle pazovu pasolstva Biełarusi ŭ Rasii za paklop na Łukašenku
Lefortaŭski sud Maskvy zakryŭ pasiadžeńnie pa spravie Andreja Suzdalcava biez tłumačeńnia pryčyn. Jaho abvinavačvajuć u paklopie na Łukašenku. Paśla hetaha praces čarhovy raz byŭ adkładzieny na 16 śniežnia.
Kryminalnaja sprava suprać Suzdalcava zaviedziena pavodle pazovu pasolstva Biełarusi ŭ Rasii za paklop (art. 128.1 č. 2 i č. 5 Kryminalnaha kodeksa RF).
Pa artykułach, jakija inkryminujucca Suzdalcavu, jamu pahražaje da 5 hadoŭ źniavoleńnia.
Ale navat kali sprava skončycca nie turmoj, a štrafam abo papraŭčymi rabotami, dla Suzdalcava taki prysud moža aznačać, što jon bolš nie zmoža pracavać u VNU i aficyjna zajmacca navukovaj dziejnaściu.
Andrej Suzdalcaŭ — rasijski palitołah, palityčny kamientatar pa biełaruskaj tematycy. Jon krytyk režymu Alaksandra Łukašenki, ale vyklučna z prarasijskich pazicyj.
Jon naradziŭsia va Uładzivastoku, u pačatku 1990-ch ažaniŭsia ź biełaruskaj i pierajechaŭ u Biełaruś, dzie staŭ razhortvać prarasijskuju dziejnaść u asiarodku demakratyčnaj apazicyi.
U 2006 hodzie jon byŭ pazbaŭleny dazvołu na žycharstva i vysłany z krainy. Pavodle aficyjnaj farmuloŭki, Suzdalcaŭ staviŭ «pad pahrozu nacyjanalnuju biaśpieku Biełarusi».
Paśla departacyi Suzdalcaŭ asieŭ u Maskvie, dzie staŭ namieśnikam dekana fakulteta suśvietnaj ekanomiki Vyšejšaj škoły ekanomiki.
11 studzienia 2024 hoda MUS RB pryznała «ekstremisckim farmavańniem» telehram-kanał «Andriej Suzdalciev». Paśla taho kanał nieadkładna spyniŭ pracu.
U kancy sakavika 2024 hoda staronka Andreja Suzdalcava źnikła z sajta Vyšejšaj škoły ekanomiki, imavierna, praź pieraśled biełaruskimi ŭładami. U krasaviku rasijskija ŚMI paviedamili pra jahonaje zatrymańnie, što sam palitołah paśla abviarhaŭ i nazyvaŭ «pravakacyjaj».
U Maskvie za paklop na Łukašenku sudziać palitołaha Suzdalcava. Pahražaje da 5 hadoŭ
Voś pra što byŭ zabaronieny artykuł pra Łukašenku ŭ «Maskoŭskim kamsamolcy» — jaki vydalili paśla prośby ź Minska
Voś pra što byŭ zabaronieny artykuł pra Łukašenku ŭ «Maskoŭskim kamsamolcy» — jaki vydalili paśla prośby ź Minska
«Dla jaho Łukašenka — biełaruski nacyjanalist». Čym viadomy rasijski palitołah Andrej Suzdalcaŭ
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski23
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary