U Rasii vahnieraviec zadušyŭ siabroŭku drotam ad zaradki: jamu zdałosia, što jana jaho viarbuje na karyść Ukrainy
Mužčyna ŭdzielničaŭ u vojnach va Ukrainie, Siryi i Afrycy.
U Taljaci eks-najomnik PVK «Vahnier» Raman Akulšyn zadušyŭ siabroŭku. Jon zajaviŭ, što jana jaho vierbavała dla ździajśnieńnia teraktaŭ u Rasii.
Pa viersii śledstva, u toj dzień jon razam ź dziaŭčynaj užyli narkotyki. Paśla hetaha partniorka nibyta raspaviała Akulšynu, što jaje plamieńnika-padletka zavierbavali «kuratary» z Ukrainy dla ździajśnieńnia 20 vybuchaŭ u Taljaci. Taksama dziaŭčyna paprasiła eks-najomnika pračytać 90-y psałom, piša 7x7.
Mužčyna raźlutavaŭsia, nanios sužycielcy 26 udaraŭ, a potym zadušyŭ jaje drotam ad zaradnaj pryłady. Na nastupny dzień jon sam pryjšoŭ u FSB i pryznaŭsia ŭ zabojstvie. Pry hetym zajaviŭ, što jana «sprabavała jaho zavierbavać na terarystyčnuju dziejnaść».
Sud Taljaci pryznaŭ jaŭku z pavinnaj, udzieł Akulšyna ŭ vojnach va Ukrainie, Siryi i Afrycy, a taksama najaŭnaść dvuch dziaciej źmiakčalnymi abstavinami. Byłomu vahnieraŭcu za zabojstva pryznačyli 8 hadoŭ kałonii.
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń27
Kamientary