14 śniežnia pamior navukoviec u halinie ćviordacielnaj mikraelektroniki, były kiraŭnik Vyšejšaha atestacyjnaha kamiteta, akademik Nacyjanalnaj akademii navuk Biełarusi Anatol Dastanka. Jamu było 87 hadoŭ.
Anatol Dastanka naradziŭsia 2 lipienia 1937 hoda ŭ vioscy Vobčyn Lubanskaha rajona. Skončyŭ Rečanskuju siaredniuju škołu
U 1955—1957 hadach pracavaŭ roznarabočym u Lubani, u 1956—1957 — mašynistam chaładzilnych mašyn i ŭstanovak rybazavoda ŭ horadzie Hahry ŭ Hruzii. U 1957 hodzie pastupiŭ u Tahanrohski radyjotechničny instytut, jaki skončyŭ u 1962-m pa śpiecyjalnaści «Elektronnyja prybory».
Śpiarša pracavaŭ u Tahanrohu, ale ŭ 1970-m viarnuŭsia na radzimu.
Z 1975 hoda pracavaŭ zahadčykam zasnavanaj im kafiedry technałohii radyjoelektronnaj aparatury Minskaha radyjotechničnaha instytuta. Z 1985 pa 1993 hod — prarektar, pieršy prarektar pa vučebnaj rabocie RTI, z 1993 hoda — staršynia Vyšejšaj atestacyjnaj Kamisii pry Saviecie Ministraŭ Respubliki Biełaruś, a paśla jaje pieraŭtvareńnia ŭ 1995 hodzie da 2001-ha — staršynia Dziaržaŭnaha vyšejšaha atestacyjnaha kamiteta Respubliki Biełaruś.
Z 1986 hoda byŭ členam-karespandentam, a z 1991-ha — akademikam Nacyjanalnaj akademii navuk Biełarusi.
Mieŭ 248 vynachodnictvaŭ (ukaraniona ŭ realnuju vytvorčaść i navukovy praces bolš za 60). Taksama byŭ łaŭreatam Dziaržaŭnaj premii BSSR 1982 hoda i Dziaržaŭnaj premii Respubliki Biełaruś 1996 hoda, uładalnikam hanarovych zvańniaŭ «Zasłužany vynachodnik SSSR» i «Zasłužany dziejač navuki i techniki BSSR», hanarovym hramadzianinam horada Lubani.
Ciapier čytajuć
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich17
Kamientary